قازاقستاننىڭ جاستار قۇراماسى (U-20) جارىستى ءساتسىز باستادى. تۇساۋكەسەر كەزدەسۋىندە ولار ايدىن يەلەرىمەن شەبەرلىك بايقاستى. ءبىرىنشى كەزەڭدە كونستانتين ۆولوچكو مەن يليا لاحنوۆ بەلارۋس قۇراماسىن العا شىعاردى. 28-مينۋتتا الەكساندر ميگۋنوۆ ەسەپ ايىرماشىلىعىن قىسقارتتى. ارادا بەس مينۋت وتكەننەن سوڭ ارتەم نيكيتيچ جەرگىلىكتى جانكۇيەرلەردى تاعى ءبىر قۋانتتى. ەكىنشى كەزەڭنىڭ اياقتالۋىنا ساناۋلى سەكۋندتار قالعاندا استانانىڭ «سنەجنىە بارسى» كلۋبىنىڭ ويىنشىسى سەمەن سيمونوۆ مەرگەندىك تانىتتى. بىراق ۇزىلىستەن كەيىن ستەپان زۆياگين مەن دانيل ليپسكي تاعى ەكى رەت شايبانى قاقپاعا ءدال ءتۇسىرىپ, ءوز كوماندالارىنا جەڭىس سىيلادى. ەسەپ – 2:5.
ەندى سەرگەي ستارىگيننىڭ شاكىرتتەرى رەسەيدىڭ (U-16) جانە (U-17) جاسوسپىرىمدەر قۇرامالارىمەن كەزدەسەدى.
