قانداسىمىزدىڭ قارسىلاسى – الەكس ديلماگاني. 32 جاستاعى جەرگىلىكتى ساقا سپورتشىنىڭ كاسىپقويلار اراسىندا جۇدىرىقتاسىپ جۇرگەنىنە 15 جىلعا جۋىقتادى. سول ارالىقتا 23 جەكپە-جەك وتكىزىپ, تەك ەكەۋىندە عانا ۇتىلدى. جەتى قارسىلاسىن ۇرىپ جىقتى. الەكس 2011 جىلى وتانداسى ميككي كوۆەني مەن 2020 جىلى سامير زيانيدەن عانا ۇتىلدى. 2019 جىلى ول ءوزىنىڭ سوڭعى باسەكەسىن بىلتىر قاڭتار ايىندا چەحيالىق ميحال ديۋفەككە قارسى وتكىزىپ, ونى ۇپاي سانىمەن ۇتتى.
ال 27 جاستاعى شىمكەنتتىڭ تۋماسى سۇلتان زاۋىربەك 2018 جىلدان بەرى سپورتتىڭ وسى ءتۇرىن سەرىك ەتىپ كەلەدى. التى جىل ارالىعىندا 16 مارتە رينگكە كوتەرىلىپ, بارلىق قارسىلاسىنان باسىم ءتۇستى. 12 باسەكەدە ايقىن باسىمدىق تانىتتى. سوڭعى رەت سۇلتان 2023 جىلدىڭ 10 قاراشاسىندا انگليانىڭ برايتون قالاسىندا ارگەنتينالىق سەرحيو مارتين سوسانى التىنشى راۋندتا تەحنيكالىق نوكاۋتپەن جەڭدى. بۇل جەكپە-جەكتە WBO Global مەن WBA Gold نۇسقالارىنىڭ چەمپيوندىق بەلبەۋى ساراپقا سالىنادى.
