«قازگيدرومەت» رمك مالىمەتى بويىنشا, استانا قالاسىندا 9 اقپاندا بوران, كوكتايعاق, وڭتۇستىك-باتىس, باتىستان جەل 15-20 م/س, ەكپىنى 23-28 م/س, 8 اقپان كەشكە, تۇندە جانە 9 اقپاندا تاڭەرتەڭ 30 م/س جانە ودان دا كوپ بولادى دەپ كۇتىلۋدە.
8 اقپان ساعات 18.00-دەگى جاعداي بويىنشا ەكپىندى جەلگە بايلانىستى, تومەنگى بوران, كورىنۋدى شەكتەۋ كولىك قۇرالدارىنىڭ بارلىق تۇرلەرى ءۇشىن استانا قالاسىنان بارلىق باعىتتار بويىنشا رەسپۋبليكالىق ماڭىزى بار اۆتوجولداردا قوزعالىس جابىلدى.
«ەلوردا تۇرعىندارى مەن قوناقتارىنان جولداردا اباي بولۋدى, قاۋىپسىزدىك ەرەجەلەرىن ساقتاۋدى, داۋىلدى ەسكەرتۋ بولعان جاعدايدا الىس ساپارلاردان باس تارتۋدى سۇرايمىز.
توتەنشە جاعداي تۋىنداعان كەزدە «112» تەلەفونىنا حابارلاسىڭىز», دەلىنگەن حابارلامادا.
