ەگەر بالاڭىز ءتىل المايتىن, قارسى شىعاتىن شاتاق بوپ ءوسىپ جاتسا نەمەسە ساباققا سەلقوس, جامان جۇرىسكە ءۇيىر بولسا, دەمەك ونىڭ ونداي بوپ وسۋىندە اتا-انانىڭ وعان قاتىستى ابايسىزدا نە اشۋمەن ايتقان تەرىس باتاسىنىڭ دا اسەرى بار.
سول سەبەپتى بالالارىمىزعا اشۋلانعاندا نە رەنجىگەندە تىلىمىزگە اباي بولۋىمىز كەرەك. بۇعان بايلانىستى كىتاپتاردا مىناداي وقيعا بايان ەتىلەدى: ءابۋ حانيفانىڭ شاكىرتتەرىنىڭ ءبىرى, ءحاديسشى ءارى فاقيھ عۇلاما ابدۋللا يبن مۇباراكقا ءبىر كىسى كەلىپ, بالاسىنىڭ مىنەز-قۇلقىنىڭ ناشارلىعىنا شاعىمدانىپتى. ابدۋللا يبن مۇباراك ودان سۇراپتى: "وعان تەرىس تىلەك ايتىپ پا ەدىڭ؟" اكەسى: ء"يا", دەپ جاۋاپ بەرىپتى. سوندا ابدۋللا يبن مۇباراك وعان: "ونى بۇزعان سەنسىڭ!" - دەگەن ەكەن, - دەپ جازىلعان "بالا تاربيەسىندەگى 25 قاتەلىك" كىتابىندا.
