بۇل اقپاراتتى ەلىمىزدىڭ فۋتبول فەدەراتسياسى تاراتتى. ارمەنيا قۇراماسى فيفا رەيتينگىندە جەرلەستەرىمىزدەن جەتى ساتى جوعارى تۇر. ياعني ولار – 93-ورىندا. قازاقستان – 100-ورىندا. ولاردىڭ باعىندىرعان پالەندەي بەلەستەرى جوق. دەسەك تە اتالعان كوماندانىڭ ساپىندا ەۋروپا مەن ازيانىڭ ورتاڭقول كلۋبتارىندا ونەر كورسەتىپ جۇرگەن بىرنەشە جاقسى ويىنشى بار. بۇل ەلدىڭ باستى جۇلدىزى كەزىندە دونەتسكىنىڭ «شاحتەر», دورتمۋندتىڭ «بورۋسسيا», انگليانىڭ «مانچەستەر يۋنايتەد» پەن «ارسەنال» جانە يتاليانىڭ «روماسىندا» شەبەرلىگىن شىڭداپ, بۇل كۇندەرى ميلاننىڭ «ينتەر» كلۋبىنىڭ نامىسىن قورعاپ جۇرگەن گەنريح محيتاريان وسىدان ەكى جىل بۇرىن ۇلتتىق قۇراماداعى كارەراسىن اياقتاعانىن رەسمي تۇردە جاريا ەتتى.
وسى كوماندالار ءوزارا جەتى مارتە كەزدەسىپ, سونىڭ تورتەۋىندە ارمەنيالىقتاردىڭ اسىعى الشىسىنان ءتۇستى. قازاقستان ەكى رەت جەڭىس تويىن تويلادى. تاعى ءبىر ماتچ تەڭ اياقتالدى.
