العاشقى باسەكە ءبىزدىڭ كوماندا ءۇشىن ءساتتى باستالدى. ماتچتىڭ 5-مينۋتىندا رومان ستارچەنكو ەسەپ اشتى. ۇزىلىستەن كەيىن الەكس بروادحيورست تارازى باسىن تەڭەستىردى. ءۇشىنشى كەزەڭدە حاباروۆسكىلىك يان دروزگ پەن استانالىق اركادي شەستاكوۆ ءبىر-ءبىر گولدان سوقتى. نەگىزگى ۋاقىت 2:2 ەسەبىمەن اياقتالدى. وۆەرتايم باستالعان بەتتە ۆلاديسلاۆ بارۋلين نىسانانى ءدال كوزدەپ, قيىر شىعىستان كەلگەن كومانداعا جەڭىس سىيلادى – 2:3.
ەكىنشى ويىندا «بارىس» دارمەنسىزدىك تانىتتى. العاشقى ەكى كەزەڭدە قوس ۇجىم ءبىر-ءبىرىنىڭ وسال تۇسىن تابا المادى. سوڭعى 20 مينۋتتا «امۋردىڭ» بەتكەۇستارلارى ۆلاديسلاۆ بارۋلين مەن دميتري شەۆچەنكو ەكى رەت شايبانى قاقپاعا توعىتتى – 0:2. ءسويتىپ, ەلوردالىق حوككەيشىلەر قاتارىنان سەگىزىنشى ويىندا ۇتىلىپ, جارىس كەستەسىندەگى جاعدايىن ودان ءارى قيىنداتا ءتۇستى.
