بيىلعى جارىستىڭ جالاۋى كاتاردىڭ استاناسى دوحادا جەلبىرەدى. 2 اقپاننان بەرى بارشا جانكۇيەر نازارى سول جاققا اۋدى. ارا-تۇرا قازاقستاننىڭ سپورتشىلارى ءتاۋىر ونەر كورسەتىپ, فينالعا شىققانى جايىندا دا ەستىپ جاتىرمىز. بىراق بىردە-ءبىر جەرلەسىمىز جەڭىس تۇعىرىنا كوتەرىلە المادى. ال وزگە ەلدىڭ وكىلدەرى ءار كۇن سايىن ءتۇرلى-ءتۇستى مەدالداردى موينىندا جارقىراتىپ جاتتى. كۇنى بۇگىنگە دەيىن ءبىز سولارعا قىزىعا قاراپ كەلدىك.
كەشە پارسى شىعاناعىنان قۋانىشتى حابار جەتتى. ارتىستىك جۇزۋدەن قۇرامىندا نارگيزا بولاتوۆا مەن ەدۋارد كيم سىندى دۇلدۇلدەرى بار قازاقستان كومانداسى ارالاس جۇپتار سايىسىندا قارسىلاس شاق كەلتىرمەي, باس جۇلدەنى ولجالادى. بۇل – قازاقستاننىڭ سۋ سپورتى شەبەرلەرىنىڭ الەم چەمپيوناتىنداعى تۇڭعىش ءارى تاريحي التىنى! قۇتتى بولسىن, قازاق ەلى! الداعى ۋاقىتتا وسى جەڭىستى جول جالعاسادى دەپ ۇمىتتەنەمىز. بۇل باسەكەدە قىتاي ەكىنشى ورىن السا, مەكسيكا ءۇشىنشى ساتىعا جايعاستى.
