فوتو: championat.com
وسىعان دەيىن 17 كەزدەسۋدىڭ بارلىعىندا جەڭىسكە جەتىپ, 12 قارسىلاسىن ەسىنەن تاندىرعان 28 جاستاعى قانداسىمىز ءۇشىن بۇل الەمدەگى ەڭ بەلدى پروموۋشەندەگى ەكىنشى جەكپە-جەگى ەدى. بىلتىر قاراشا ايىندا ازات UFC-دەگى تۇساۋكەسەر كەزەسۋىندە امەريكالىق تايسون نەمدى ۇپاي سانىمەن ۇتتى.
كەشەگى جارىستا ماقسۇمنىڭ دايارلىعى ناشار ەكەنى بىردەن بايقالدى. ءبىرىنشى كەزەڭدە ونىڭ باسىمداۋ بولعانى راس. بىراق ودان كەيىن قاشا ءجۇرىپ شايقاسقان دجونسون قانداسىمىزدىڭ بىردە-ءبىر اۋىر سوققىسىن وزىنە دارىتپادى. ازات قانشا تالپىنعانىمەن, ەشتەڭە وندىرە العان جوق. كەرىسىنشە, ەكىنشى كەزەڭدە اقش وكىلىنىڭ باسەكەنى مەرزىمىنەن بۇرىن اياقتاۋعا مۇمكىندىگى بولدى. ول ماقسۇمدى جىعىپ الدى دا, «قىلقىندىرۋ» ءتاسىلىن جاساۋعا تىرىستى. بىراق بۇل قاۋىپتەن قازاق وڭاي قۇتىلدى. باسەكە اياقتالعان بەتتە بارلىق ءۇش تورەشى 29:28 ەسەبىمەن جەڭىستى چارلز دجونسونعا بەردى. ءسويتىپ, ازات ماقسۇم ءوزىنىڭ سپورتتىق مانسابىندا العاش رەت جەڭىلىس تاپتى.
