فوتو: vesti.kz
جەرلەستەرىمىزدىڭ اراسىنان ەڭ جاقسى ناتيجەگە 19 جاستاعى ميحايل شايدوروۆ قول جەتكىزدى. جاستار اراسىنداعى الەم بىرىنشىلىگىنىڭ كۇمىس جۇلدەگەرى قوس باعدارلامانىڭ قورىتىندىسى بويىنشا 244,80 ۇپاي جيىپ, 6-ورىندى يەلەندى. دياس جيرەنباەۆ (195,88 ۇپاي) 16-ورىن السا, راحات برالين (177,89 ۇپاي) 19-ساتىعا تابان تىرەدى. ال باس جۇلدەنى 20 جاستاعى جاپونيانىڭ جۇلدىزى, بەيجىڭ وليمپياداسى (1 كۇمىس, 1 قولا) مەن الەم چەمپيوناتتارىنىڭ (2 كۇمىس) ەكى دۇركىن جۇلدەگەرى يۋما كاگياما (307,58 ۇپاي) ولجالادى. ونىڭ وتانداسى سۋن ساتو (274,59 ۇپاي) كۇمىس مەدالدى موينىندا جارقىراتسا, وڭتۇستىك كورەيانىڭ وكىلى چحا دجۋنحۆان (272,95 ۇپاي) قولاعا قول سوزدى. سونداي-اق جاپونيالىق سوتا ياماموتو (263,43 ۇپاي) مەن قىتايلىق بويان تسزين (256,89) سىندى سايىپقىراندار ۇزدىك بەس مانەرلەپ سىرعاناۋشىلاردىڭ قاتارىنا ەندى.
