فوتو: Egemen.kz.
«قازىرگى ۋاقىتتا جوبانىڭ نەگىزگى تاسىمالداۋ باعىتى قىتاي بولىپ تابىلادى. وتكەن جىلى العاش رەت ءۇندىستان مەن يرانعا ءدالىز اشىلدى. وزبەكستانعا پيلوتتىق جەتكىزۋ اياقتالدى, ءباا-گە دە جونەلتۋ جۇمىستارى جۇرگىزىلىپ جاتىر», دەپ ءتۇسىندىردى ساعىنتاەۆ.
سونىمەن قاتار ەاەو ەلدەرىنىڭ كولىك سالاسىنداعى باسىم ينتەگراتسيالىق ينفراقۇرىلىمدىق جوبالارىنىڭ تىزبەسى كەڭەيتىلدى. قازاقستاننان ەكى, قىرعىزستاننان ەكى جوبا ەنگىزىلگەن. قازاقستاندىق جوبالار «سولتۇستىك-وڭتۇستىك» شىعىس حالىقارالىق كولىك ءدالىزىن دامىتۋعا باعىتتالعان, ال قىرعىزستانداعى جوبالار بىشكەكتى اينالىپ وتەتىن اۆتوماگيسترال جانە بالىقشىدان جالال-ابادقا دەيىنگى تەمىرجول قۇرىلىسىن قامتيدى.
ساعىنتاەۆ الماتىدا وتكەن ەۋرازيالىق ۇكىمەتارالىق كەڭەس وتىرىسىنىڭ باسقا دا ناتيجەلەرىنە توقتالدى.
«ۇكىمەت باسشىلارى ەاەو ەلدەرىندەگى ماكروەكونوميكالىق جاعداي تۋرالى جىل سايىنعى بايانداماسىن ۇسىندى. 2023 جىلى وڭ ەكونوميكالىق ديناميكا جالعاستى. تۇتىنۋ جانە ينۆەستيتسيالىق سۇرانىس ءوستى, ونەركاسىپ ءوندىرىسى ءوستى, قۇرىلىس جۇمىستارىنىڭ كولەمى جانە باسقا دا كورسەتكىشتەر ءوستى», دەدى ول.
وتكەن جىلدىڭ 11 ايىندا ەاەو اياسىنداعى ءوزارا ساۋدانىڭ ءوسىمى 5,6%-دى قۇرادى. وداقتىڭ سىرتقى ساۋدا اينالىمىنداعى ءوزارا ساۋدانىڭ ۇلەسى ءبىر جىلدا 15,3%-دان 18,3%-عا ءوستى.
سونداي-اق ول تسيفرلاندىرۋ ماسەلەسى ۇنەمى نازاردا ەكەنىن اتاپ ءوتتى. 2023 جىلدىڭ سوڭىندا جالپى تسيفرلىق پروتسەستەردىڭ تەحنيكالىق دايىندىعى ءۇردىسى بايقالادى. ولاردى كوممەرتسيالىق پايدالانۋعا بەرۋ جۇمىستارى جۇرگىزىلىپ جاتىر.
«كريپتوگرافيالىق اقپاراتتى قورعاۋ قۇرالدارىن بىرلەسىپ ازىرلەۋ بويىنشا ءىس-شارالار جالعاسىپ جاتىر. ءبىز ءۇشىن بۇل ماڭىزدى كەزەڭ. ءتيىستى جوسپاردى مەملەكەت باسشىسى بەكىتتى. ونى جۇزەگە اسىرۋ بىزگە تەحنولوگيالىق قاۋىپسىزدىكتىڭ تۇبەگەيلى جاڭا دەڭگەيىنە شىعۋعا مۇمكىندىك بەرەدى», دەدى. ەەك القاسىنىڭ توراعاسى.
ۇكىمەتارالىق كەڭەستىڭ كەلەسى وتىرىسى بەلارۋستە وتەدى.
