فوتو: vlast.kz
ازىرلەۋشى كومپانيانىڭ باس ديرەكتورى اسەت احمەتوۆ Sergek شەشىمدەرىنىڭ يكەمدى بولۋىمەن ەرەكشە ەكەنىن اتاپ ءوتتى: «يندونەزيادا ءبىز ازىرلەمەلەرىمىزدى قولدانىستاعى ينفراقۇرىلىمعا بىرىكتىرەمىز. جوبانى جۇزەگە اسىرۋ الدىندا ءبىزدىڭ ماماندار ۇلكەن دايىندىق جۇمىستارىن جۇرگىزدى. وعان قوسا, قاۋىپسىزدىك, كولىك جانە ەكولوگيا سالاسىنداعى ءبىرشاما زور تاجىريبەمىزدىڭ ارقاسىندا شەشىمدەرىمىزدى يندونەزيا ءۇشىن ءتيىمدى تۇردە بەيىمدەۋگە بولاتىنىنا سەنىمدىمىز», دەپ ءبولىستى.
پيلوتتىق جوبانى دايىنداۋ بارىسىندا قولدانىستاعى باس جوسپارلار مەن ستراتەگيالار, قالانىڭ قاجەتتىلىكتەرى مەن باسىمدىقتارىنا تالداۋ جۇرگىزىلدى. سونىمەن قاتار نەگىزگى مۇددەلى تاراپتار – نۋسانتارا مەن باليكپاپان قالالىق اكىمشىلىگى جانە كولىك مينيسترلىگى وكىلدەرىنىڭ قاتىسۋىمەن اقپارات جيناۋ ماقساتىندا بىرقاتار سەمينار وتكىزىلدى.
Sergek Group جاھاندىق نارىقتار بويىنشا ديرەكتورى الەنا تكاچەنكو: «نۋسانتارا – استانامەن باۋىرلاس قالا, مۇندا ءبىزدىڭ شەشىمدەرىمىز «اقىلدى» قالا قۇرۋدا ماڭىزدى ءرول اتقاردى. قازاقستاننىڭ استاناسىندا ءبىز قالانىڭ پروتسەستەرى مەن قاجەتتىلىكتەرىن, سونداي-اق ادام الەۋەتىن دامىتۋدى ەسكەرە وتىرىپ, تەحنولوگيالاردى ازىرلەپ جاسادىق. بۇل تاجىريبە كەيىنىرەك نۋسانتاراعا جانە, مۇمكىن, تۇتاستاي يندونەزياعا قولدانىلادى», دەپ ءوز پىكىرىمەن ءبولىستى.
يندونەزيانىڭ بولاشاق استاناسى زاماناۋي مەگاپوليسكە اينالۋعا مىندەتتى. بۇل قالانىڭ دامۋ ستراتەگياسىندا بەلگىلەنگەن. وسى ماقساتقا جەتۋ ءۇشىن نۋسانتارا «اقىلدى» قالانىڭ التى قۇرامداستارىن بەلسەندى تۇردە دامىتىپ جاتىر. ولاردىڭ ءبىرى «كولىك جانە موبيلدىلىك». ءدال وسى كومپونەنت پيلوتتىق جوبانىڭ نەگىزىندە جاتىر.
بۇعان دەيىن نۋسانتارا قالالىق اكىمشىلىگىنىڭ قورشاعان ورتانى قورعاۋ جانە تسيفرلىق ترانسفورماتسيا جونىندەگى ورىنباسارى, پروفەسسور موحاممەد الي بەراۋي وزىق تەحنولوگيالاردى ەنگىزۋ ءۇشىن اتالمىش حالىقارالىق ىنتىماقتاستىقتىڭ ماڭىزدىلىعىن اتاپ ءوتتى. يندونەزيانىڭ بولاشاق استاناسىنىڭ تسيفرلىق ەكوجۇيەسىنىڭ ديرەكتورى توني اگۋس سەتيونو دا نۋسانتارانى زاماناۋي قالا ءومىرىنىڭ ۇلگى-ونەگەسىنە اينالدىرۋ نيەتىن اتاپ ءوتتى. وسى ورايدا ينتەللەكتۋالدى كولىك جۇيەسى شەشۋشى ءرول اتقارادى.
جوبانى جۇزەگە اسىرۋ ءۇشىن وتاندىق كومپانيا تەحنولوگيا سالاسىنداعى الەمدىك كوشباسشى Cisco كومپانياسىمەن بىرلەسىپ جۇمىس ىستەدى. بۇل سەرىكتەستىك Cisco ينفراقۇرىلىمىن پايدالانا وتىرىپ, ءتيىمدى قوسىلىمدى قامتاماسىز ەتۋگە باعىتتالعان. Cisco جەلىلىك ينفراقۇرىلىمىن Sergek تەحنولوگيالارىمەن بىرىكتىرۋ ترافيكتى بولجاۋ مەن مارشرۋتتى وڭتايلاندىرۋ ارقىلى كوشەلەردەگى كەپتەلىستەردى ازايتۋعا باعىتتالعان بولاشاقتاعى جاڭا كەيستەرگە نەگىز بولادى.
يندونەزياداعى Cisco Systems باسقارۋشى ديرەكتورى مارينا كاچاريبۋ ىنتىماقتاستىقتىڭ ماڭىزدىلىعىن اتاپ ءوتتى: «ۇزدىكسىز, قاۋىپسىز جانە جىلدام قوسىلۋ تسيفرلاندىرۋدىڭ كەز كەلگەن كۇشىنىڭ نەگىزى بولىپ تابىلادى. وسى پيلوتتىق جوبانىڭ ءبىر بولىگى رەتىندە Sergek كومپانياسىنىڭ ءبىزدى سەرىكتەس رەتىندە تاڭداعانىنا قۋانىشتىمىز. بۇل ىنتىماقتاستىق ءبىزدىڭ تەحنولوگيامىزدى عانا ەمەس, سونىمەن قاتار نۋسانتارا سەرىكتەستەرىنىڭ ەكوجۇيەسى ارقىلى ناتيجەلەرگە قالاي قول جەتكىزە الاتىنىمىزدى دالەلدەيدى. Cisco-دا ءبىز ارقاشان: «ەگەر ءسىز ونى ەلەستەتە الساڭىز, ءبىز ءسىزدى سول جەرگە اپاراتىن كوپىر سالامىز» دەپ ايتامىز. نۋسانتارا قالالىق اكىمشىلىگى جانە Sergek كومپانياسىمەن جۇمىس جاساۋ ءبىز ءۇشىن ۇلكەن مارتەبە», دەدى.
سونىمەن قاتار پيلوتتىق جوبانى جۇزەگە اسىرۋ ماقساتىندا Sergek Group جانە PT Telkom Indonesia كومپانيالارى اراسىندا ينتەرنەتپەن قامتاماسىز ەتۋ بويىنشا ستراتەگيالىق سەرىكتەستىك جونىندە كەلىسىمگە قول قويىلدى.
