فوتو: profit.kz
ونىڭ ايتۋىنشا, اليانستىڭ نەگىزگى ماقساتى – ستارتاپ جوبالارىمەن جانە تەحنوپاركتەردىڭ تاجىريبەسىمەن الماسۋ, ستارتاپتار نارىعىنا شىعۋعا كومەك كورسەتۋ, ورتاق ۆەنچۋرلىق قور قۇرۋ, بىرلەسكەن ينكۋباتسيا جانە اكسەلەراتسيا باعدارلامالارى بويىنشا وقىتۋ, 24 بيزنەسمەن ءۇشىن تەگىن جۇمىس كەڭىستىگىن قامتاماسىز ەتۋ, شىۇ ەلدەرىنىڭ تەحنوپاركتەرىندە قول جەتكىزۋ, ماسشتابتاۋ شەشىمدەرى, گرانتتار مەن قولداۋ شارالارى دا قاراستىرىلعان.
ول شىۇ ەلدەرىنىڭ ستارتاپتار اراسىنداعى ىنتىماقتاستىقتىڭ الەۋەتى زور ەكەنىن اتاپ ءوتتى.
ەكىنشى ۇسىنىس – ايماقتىق DATA حابتارىن قۇرۋ, ياعني بىرلەسكەن دەرەكتەردى ساقتاۋ دەرەكتەر بازاسىن ازىرلەۋ بويىنشا كۇش-جىگەردى بىرىكتىرۋ.
«سونىمەن قاتار ءبىز اقپارات بەرۋدى جاقسارتاتىن ارنالاردى دامىتۋعا نيەتتىمىز. جاقىندا وتكەن كەزدەسۋدە قاسىم-جومارت توقاەۆ جوعارى دەڭگەيدە رەسەيدەن يرانعا قازاقستان مەن كاسپي تەڭىزى ارقىلى تالشىقتى-وپتيكالىق بايلانىس جەلىسىن تارتۋ تۋرالى ۇسىنىس جاسادى. ءبىز رەسەيدەگى ارىپتەستەرىمىزبەن سويلەستىك, بۇگىن پرەزيدەنتتىڭ وسى يدەياسىن جۇزەگە اسىرۋ ماقساتىندا يراننان كەلگەن ارىپتەستەرمەن سويلەسەمىز», دەدى باعدات مۋسين.
سونداي-اق ول شىۇ ەلدەرىنىڭ قاتىسۋىمەن سپۋتنيكتەردى قۇرۋدان باستاپ تسيفرلىق پلاتفورمالاردى ەنگىزۋگە دەيىنگى بىرلەسكەن جوبالاردى ەنگىزۋدى ۇسىندى.
ايتا كەتەيىك, قازاقستاندا شىۇ تسيفرلىق فورۋمىن وتكىزۋ باستاماسى قاسىم-جومارت توقاەۆتىڭ 2023 جىلعى 4 شىلدەدەگى شىۇ ونلاين سامميتىندە كوتەرىلگەن ەدى. ول تسيفرلىق تەڭسىزدىكتى جۇيەلى تۇردە قىسقارتۋ شىۇ قىزمەتىندەگى ناقتى باسىمدىققا اينالۋى ءتيىس ەكەنىن اتاپ ءوتتى.
