بەس ايدىڭ ءوسىم كورسەتكىشى – 8,3 پايىز!

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن “نۇر وتان” حدپ-نىڭ ماجىلىستەگى فراكتسياسىنىڭ كەڭەيتىلگەن وتىرىسى ءوتتى. وندا قازاقستان رەسپۋبليكا­سى پرەزيدەنتىنىڭ جول­داۋىندا العا قويىلعان مىندەتتەر تۇرعىسىندا وڭىرلىك جۇمىسپەن قامتۋ جانە كادرلاردى قايتا دايارلاۋ ستراتە­گيا­سىنىڭ (“جول كارتاسى”) ىسكە اسۋ بارىسى تۋرالى قازاقستان رەس­پۋبليكاسى پرەمەر-ءمينيسترىنىڭ ورىنباسارى ەربول ورىنباەۆ بايانداما جاسادى. وتىرىستا الدىمەن و.مۇ­حا­مەد­­جانوۆ قىسقاشا ءسوز سويلەدى. مەملەكەت باسشىسىنىڭ بيىلعى جولداۋىندا ناقتى كورسەتىلگەن ەلىمىزدىڭ العا جىلجۋ ۆەكتورى قا­زاق­ستاندىقتاردىڭ كوڭىلىندە تاياۋ­داعى ون جىلدا ءبىز داعدارىستان كەيىنگى جاڭا الەمدە ورنىقتى پوزي­تسياعا يە بولامىز دەگەن سەنىم ۇيالاتادى. شىن مانىندە, بيىلعى جىلى قازاقستان جاڭا ونجىل­دىق­قا ەكونوميكالىق دامۋدىڭ قوماق­تى الەۋەتى مەن حالىقتىڭ, ءاربىر وتباسىنىڭ تۇرمىس جاعدايىنىڭ جاقسارۋىمەن اياق باسقالى وتىر. دەمەك, 2009 جىلى الەمدىك ەكونو­مي­كا ءۇشىن وتە كۇردەلى جىل بول­عا­نىنا قاراماستان, قازاقستان وڭ وزگەرىستەردى قامتاماسىز ەتىپ, بانك سەكتورىنداعى جاعدايدى تۇراقتان­دىرا ءبىلدى, جۇمىسسىزدىققا جول بەرمەي, حالىقتىڭ ناقتى كىرىس­تە­رىن, الەۋمەتتىك تولەمدەردىڭ ءوسىمىن قامتاماسىز ەتتى, تۇرعىن ءۇي قۇرى­لىسىندا ۇلەسكەرلەردىڭ پروبلەما­لا­رىن شەشىپ, ەلدىڭ ينۆەستيتسيا­لىق تارتىمدىلىعىن ساقتاپ قالدى. وزدەرىڭىز بىلەسىزدەر, بۇل ەڭ الدىمەن ەل پرەزيدەنتىنىڭ تاپسىر­ماسى بويىنشا داعدارىسقا قارسى ءتيىمدى شارالار, ونىڭ ىشىندە زاڭ­نامالىق سيپاتتاعى شارالار قا­بىلداعان ۇكىمەت پەن پارلامەنت­تىڭ ۇيلەسىمدى ءىس-قيمىلىنىڭ ار­قاسىندا مۇمكىن بولدى, دەدى ءماجىلىس توراعاسى. قازىرگى زامان تاريحىندا 2009 جىل وتە اۋىر جىل بولعانى بەل­گى­لى, دەدى بايانداماسىندا ە.ورىن­باەۆ. الدىن الا باعالاۋعا قاراساق, ءدۇ­نيە ءجۇزى بويىنشا ىشكى جالپى ءونىم 1,1 پايىزعا تومەندەگەن, ال دا­­مىعان ەلدەر ەكونوميكاسىنىڭ رەتسەسسياسى ءتىپتى كۇشتى بولدى. قازاقستاندىق ونەركاسىپ ونىمدىلىگى مەن جەكە ساۋدا اينالى­مى تومەندەگەن, ەل تۇرعىندارىنىڭ جۇمىسسىز قالۋ قاۋپى كۇشەيىپ كەتكەن بولاتىن. ءبىرىنشى جارتى­جىل­دىقتا ىشكى جالپى ءونىم 3 پاي­ىزعا تومەندەپ, جۇمىسسىزدىق دەڭ­گەيى 6,8 پايىزعا جەتتى. پرەزي­دەنت 2009 جىلدىڭ باسىندا ۇكى­مەت­تىڭ الدىنا قازاقستاندىقتار­دىڭ الەۋمەتتىك تۇرمىس جاعدايىن ساق­تاپ قالۋدى, تۇرعىنداردى جۇ­مىس­پەن قامتۋ, جۇمىسسىزدىق دەڭ­گەيىنىڭ ءوسۋىن بولدىرماۋدى ناقتى مىندەت ەتىپ قويعان بولاتىن. وسى تاپسىرماعا سايكەس ۇكىمەت ايماق­تىق جۇمىسباستىلىق جانە كادر­لار­دى قايتا دايارلاۋدىڭ پرەزي­دەنت ستراتەگياسىن ىسكە اسى­راتىن “جول كارتاسىن” ازىرلەدى. 2009 جىلعى “جول كارتاسىن” جۇزەگە اسىرۋ 258 مىڭ جاڭا جۇمىس ورنىن اشۋعا مۇمكىندىك بەردى. 124 مىڭنان استام جاس ازامات الەۋمەت­تىك جۇمىس ورىندارىنا جىبەرىلدى, 100 مىڭداي ادام قايتا دايارلاۋدان ءوتتى. جالپى العاندا “جول كار­تا­سى” قايتا دايارلاۋمەن قوسا, 400 مىڭنان استام جۇمىس ورنىن اشۋعا جاعداي تۋعىزدى. بۇل شارالار جۇمىسسىزدىقتىڭ دەڭگەيىن سوڭعى جىلدارداعى ەڭ تومەنگى كورسەتكىش – 6,3 پايىزعا دەيىن قىسقارتۋعا مۇمكىندىك بەردى. ە.ورىنباەۆ ەلىمىزدە جۇزەگە اسىرىلعان باسقا دا بىرقاتار وڭ جۇمىستاردى اتاپ كورسەتە كەلىپ, ال­دىن الا باعام بويىنشا ءۇستى­مىزدەگى جىلدىڭ العاشقى 5 ايىندا ءىجو ءوسىمى 8,3 پايىزدى قۇراعانىن ەرەكشە اتادى. فراكتسيا باسقوسۋىنا “نۇر وتان” حدپ باسشىلىعى, ۇكىمەت مۇشەلەرى, ءماجىلىس دەپۋتاتتارى, قازاقستان رەسپۋبليكاسى پرەزي­دەنتى اكىمشىلىگى مەن پرەمەر-مي­نيستر كەڭسەسىنىڭ وكىلدەرى قاتىستى. كۇن تارتىندەگى ماسەلە بويىنشا ءماجىلىس دەپۋتاتتارى, “نۇر وتان” حدپ فراكتسياسىنىڭ مۇشەلەرى جاقىپ اسانوۆ, اسحات بەكەنوۆ, تاتيانا ياكوۆلەۆا, مايرا ايسينا, ولگا كيكولەنكو ءسوز سويلەپ, ءوز پىكىرلەرىمەن ءبولىستى. ايتىلعان ۇسىنىستار نەگىزىندە جينالىس قورىتىندىسى بويىنشا ۇكىمەتتىڭ “جول كارتاسىن” ىسكە اسىرۋ بارىسىنداعى جۇمىستارىن جەتىلدىرۋ جونىندە “نۇر وتان” حدپ پارلامەنت ماجىلىسىندەگى فراكتسياسىنىڭ قاۋلىسى قا­بىلداندى.