فوتو: ria.ru
قما استانا قالاسى بويىنشا دەپارتامەنتى قالا پروكۋراتۋراسىنىڭ ۇيلەستىرۋىمەن اكتسيزدەلەتىن تاۋارلاردى ءىرى كولەمدە, اتاپ ايتقاندا ەلەكتروندىق تەمەكى شەگۋ قۇرىلعىلارىنا (ۆەيپ) ارنالعان سۇيىقتىقتاردى وندىرۋمەن, ساقتاۋمەن جانە وتكىزۋمەن اينالىسقان ادامنىڭ زاڭسىز ءىس-ارەكەتىنىڭ جولىن كەستى.
«كۇدىكتى رۇقسات بەرۋ قۇجاتتارىنسىز قۇرامىندا نيكوتينى بار سۇيىقتىقتى قولدان وندىرەتىن تسەح ۇيىمداستىرعانى انىقتالدى. دايىن ءونىمدى كوتەرمە جانە بولشەك ساۋدا تۇرىندە ەلوردا مەن رەسپۋبليكانىڭ باسقا قالالارىنىڭ ۆەيپشوپتارىنا ساتقان», دەپ جازىلعان حابارلامادا.
ساتىلعان نيكوتين بار سۇيىقتىقتىڭ (ۆەيپ) قۇنى 18 ملن تەڭگەدەن اسقان.
جەدەل-تەرگەۋ ءىس-شارالارى بارىسىندا 5000-عا جۋىق ەلەكتروندى تەمەكى شەگۋ قۇرىلعىلارىنا ارنالعان سۇيىقتىق قۇتىسى (ۆەيپ), حوش يىستەندىرگىشتەر, كولەمى 235 ليتر گليتسەرين جانە پروپيلەنگليكول حيميالىق زاتتار, سونداي-اق ولاردى وندىرۋگە ارنالعان ستانوكتار تاركىلەندى.
سوتقا دەيىنگى تەرگەۋ باستالدى.
قر قپك-ءنىڭ 201-بابىنىڭ تالاپتارىنا سايكەس سوتقا دەيىنگى تەرگەپ-تەكسەرۋدىڭ وزگە دە دەرەكتەرى تەرگەۋ مۇددەسىندە جاريا ەتىلۋگە جاتپايدى.
