فوتو: baribar.kz
قۋات كەمىپ, قاجىر سارقىلعانداي بولعان شاقتا كوبىك قاردىڭ ءوزى كوپ-كورىم جۇك. ەگدە ادامداردى وسى بەينەتتەن قۇتقارعىسى كەلگەن ەرىكتىلەر وبلىس ورتالىعىنداعى قارتتار مەن مۇگەدەكتەرگە ارنالعان پانسيوناتتىڭ ماڭايىن تازالاپ, قولعابىس ەتتى. بىرەر كۇن بۇرىن عانا جاپالاقتاپ قالىڭ قار جاۋعان. بيىك كوكتەن بيلەپ, ويناپ جاۋعان قار اۋماعى اتشاپتىرىم اۋلانى دا, جاياۋ جۇرگىنشىلەر جولىن دا جاۋىپ تاستاعان. قولدارىنا ءبىر-ءبىر كۇرەك ۇستاعان جاستار تىعىزدالعان قاسات قاردى كىرپىشتەي ويىپ الىپ, ءاپ-ساتتە تازالاپ شىقتى. ءسوز اراسىندا مۇنداي ىزگىلىككە تولى ىزەتتى ءىستىڭ اۋدانداردا دا ۇيىمداستىرىلاتىنىن ايتا كەتەلىك. ەڭ جاقسىسى, قينالعان جانعا قول ۇشىن بەرەتىن جاستار قاتارىنىڭ كوبەيە ءتۇسۋى. قار تازالانار, اۋلا كۇرەلەر, مۇقتاج جانداردى مەيىرىمدى جۇرەك لۇپىلىمەن جىلىتاتىن جاس تولقىندى كورگەندە كوڭىلگە سەنىم ۇيالايدى ەكەن.
– جاستاردىڭ وسى ءبىر مەيىرىمدى ءىسى كوپكە ۇلگى بولۋعا ءتيىس, – دەيدى «مەيىرىمدى جۇرەك Lider.kz» قوعامدىق بىرلەستىگىنىڭ ءتورايىمى يرينا كاتۋحوۆا. وسىنىڭ بارلىعى ءتالىمدى تاربيەنىڭ ناتيجەسى. ۇستازدارى مەن اتا-انالارىنىڭ اقىلىنان ۇققان ومىرلىك ۇستانىم دەپ ايتساق ارتىق بولمايتىن شىعار.
ەل قامىن ويلاعان ەرىكتىلەر اۋلا تازالاۋمەن بىرگە قاريالاردىڭ وتىندارىن جارىپ, كومىرلەرىن تاسىپ, قولدارىن ۇزارتىپ وتىر. مەيىرىمدى جاندار مەكەنىندەگى ىزگىلىكتىڭ اسپانى وسىلايشا جان جىلۋىمەن جادىراي ءتۇستى.
كوكشەتاۋ
