ايەلدەر اراسىنداعى تۋرنيردە توپ جارعان بەلارۋس ارينا سوبولەنكو ءوزىنىڭ بۇرىنعى ەكىنشى ورنىن ساقتاپ قالدى. كوش باسىندا – ءالى دە يگا شۆەنتەك. پولشا تەننيسشىسى مەلبۋرندە ءۇشىنشى اينالىمنان اسا الماعان ەدى. وسىعان دەيىن ۇزدىك ۇشتىكتىڭ قاتارىندا جۇرگەن قازاقستاننىڭ ءبىرىنشى راكەتكاسى ەلەنا رىباكينا جاسىل قۇرلىقتاعى ساتسىزدىكتەن كەيىن بەسىنشى ساتىعا سىرعىپ ءتۇستى. اقش-تىڭ قوس جۇلدىزى – كوري گاۋفف پەن دجەسسيكا پەگۋلا ونىڭ الدىن ورادى. سونداي-اق ونس جابەر (تۋنيس), چجەن تسينۆەن (قىتاي), ماركەتا ۆوندروۋشوۆا (چەحيا), ماريا ساككاري (گرەكيا) جانە كارولينا مۋحوۆا (چەحيا) توپ-10 ويىنشىنىڭ قاتارىنا ەنىپ وتىر.
جاڭارتىلعان رەيتينگتە قازاقستاننىڭ وزگە بۇرىمدىلارى مىناداي ساتىلارعا جايعاستى: يۋليا پۋتينتسەۆا – 70, جىبەك قۇلامباەۆا – 490, گوزال اينيتدينوۆا – 745, ارۋجان ساعاندىقوۆا – 793 جانە اننا دانيلينا – 909-ورىندا.
