فوتو: sport-pulse.kz
جارتىلاي جەڭىل سالماقتا كۇش سىناسىپ جۇرگەن بۇل سپورتشىلاردىڭ ەكەۋى دە مىقتى. 27 جاستاعى رۋسلان ساريەۆ وسى كۇنگە دەيىن 18 رەت وكتاگونعا شىعىپ, سونىڭ ەكەۋىندە عانا ۇتىلدى. بەس باسەكەدە ايقىن باسىمدىق تانىتتى. جاسى 30-عا تاياپ قالعان ۆاندەرلەي دا سيلۆا فەرەيرا 22 كەزدەسۋدىڭ 15-ءىن ءوز پايداسىنا شەشتى. سەگىز قارسىلاسىن نوكاۋتپەن ۇتتى. سوڭعى رەت ول بىلتىر كۇزدە ماسكەۋدە ۇيىمداستىرىلعان تۋرنيردە ءبىزدىڭ ءسابيت جۇسىپوۆتەن وڭباي تاياق جەگەن ەدى. سول سەبەپتى دە جەرگىلىكتى جانكۇيەرلەر قانداسىمىزدىڭ جەڭىسكە جەتەتىنىنە سەنىمدى بولدى.
بىراق برازيليالىق فايتەر جاۋاپتى جەكپە-جەككە تىڭعىلىقتى دايارلانىپ كەلىپتى. بەس راۋندقا ەسەپتەلگەن ايقاس مەرزىمىنەن بۇرىن اياقتالدى. بۇل باسەكەدە فەرەيرانىڭ باعى جانىپ, Alash Pride پروموۋشەنىنىڭ التىن بەلبەۋىن ءوز ەلىنە اكەتتى.
