فوتو: kaz.inform.kz
سىرتقى ساياسي سالالاردىڭ باسشىلارى جوعارى دەڭگەيدەگى ورنىقتى جانە سەنىمدى ساياسي ديالوگتىڭ ارقاسىندا قازاقستان مەن تاجىكستان اراسىنداعى قاتىناستار ءوزارا ءىس-قيمىلدىڭ ساپالى جاڭا دەڭگەيىنە شىعارىلعانىن اتاپ ءوتتى.
«تاجىكستان – سەنىمدى ستراتەگيالىق سەرىكتەسىمىز جانە وداقتاسىمىز. قازاقستاندا باۋىرلاس تاجىك حالقىنا ەرەكشە جىلىلىقپەن قارايدى جانە كوپقىرلى ىنتىماقتاستىقتى نىعايتۋعا باعىتتالعان», دەدى م.نۇرتىلەۋ.
تاراپتار قازاق-تاجىك ىنتىماقتاستىعىنىڭ كەڭ اۋقىمدى ماسەلەلەرىن تالقىلادى. ساۋدا-ەكونوميكالىق جانە ينۆەستيتسيالىق بايلانىستاردى كەڭەيتۋگە ەرەكشە نازار اۋدارىلدى. پەرسپەكتيۆالى جوبالاردى ىلگەرىلەتۋ بويىنشا بىرلەسكەن جۇمىستى جانداندىرۋ تۋرالى ۋاعدالاستىققا قول جەتكىزىلدى.
م.نۇرتىلەۋ ساۋدا, ەنەرگەتيكا, تاۋ-كەن جانە ۋران ونەركاسىبى, اۋىل شارۋاشىلىعى, كولىك جانە لوگيستيكا سالالارىندا ءوزارا ءتيىمدى ىنتىماقتاستىقتى دامىتۋدا قول جەتكىزىلگەن پروگرەستى اتاپ ءوتتى.
قازاقستان تاجىكستاننىڭ ءىرى ساۋدا سەرىكتەستەرىنىڭ «ۇشتىگىنە» كىرەدى. كەيىنگى جىلدارى ەكىجاقتى تاۋار اينالىمى ميلليارد دوللاردان اسقان. م.نۇرتىلەۋ قازاقستان ەكسپورتتى شامامەن 190 ملن دوللار سوماعا ۇلعايتۋعا دايىن ەكەنىن حابارلادى. سونىڭ ىشىندە تەمىرجول لوكوموتيۆتەرى مەن ۆاگوندارىن, رەلس ارقالىق ونىمدەرىن, ۇندى جەتكىزۋدى قامتاماسىز ەتۋگە, سونداي-اق كووپەراتسيالىق بايلانىستاردى دامىتۋ ءۇشىن بارلىق قاجەتتى جاعدايلاردى جاساۋ قاراستىرىلعان.
تسيفرلىق تەحنولوگيالار ىنتىماقتاستىقتىڭ جاڭا درايۆەرىنە اينالدى. وتكەن جىلدىڭ جەلتوقسان ايىندا قازاقستان «KazAID» اگەنتتىگى ارقىلى تاجىك تاراپىنا 2,8 ميلليون دوللارعا eGov پلاتفورماسىنىڭ IT ونىمدەرىن بەردى. تاراپتار وسى باعىتتاعى ءوزارا ءىس-قيمىلدى ودان ءارى ىلگەرىلەتۋگە ۋاعدالاستى. جاقىن ارادا قازاقستاننىڭ وزىق IT-مەكتەپتەرىندە 100 تاجىك مامانىن وقىتۋ جوسپارلانىپ وتىر. ءوز كەزەگىندە تاجىكستاننىڭ سىرتقى ىستەر ءمينيسترى س.مۋحريددين وداقتاستىق قاتىناستاردى تەرەڭدەتۋگە بەيىلدىلىگىن ءبىلدىرىپ, ساۋدا-ەكونوميكالىق باعىت تاجىك-قازاق ءوزارا ءىس-قيمىلىنىڭ ماڭىزدى سەگمەنتى ەكەنىن اتاپ ءوتتى.
كەلىسسوزدەر بارىسىندا سىرتقى ساياسي سالالارىنىڭ باسشىلارى حالىقارالىق جانە وڭىرلىك كۇن ءتارتىبى ماسەلەلەرى بويىنشا ورتاق مامىلەگە كەلدى. تاراپتار كوپجاقتى قۇرىلىمدار, ونىڭ ىشىندە بۇۇ, شىۇ, اوسشك, ۇقشۇ, يىۇ, اقيۇ, حاقق جانە تاعى باسقا ۇيىمدار شەڭبەرىندە ءوزارا قولداۋ كورسەتۋدى جالعاستىرادى.
مينيسترلەر وڭىرلىك كووپەراتسيانى دامىتۋعا, ورتالىق ازياداعى بەيبىتشىلىك پەن تۇراقتىلىقتى نىعايتۋ جونىندەگى بىرلەسكەن كۇش-جىگەرگە, ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى مەن حالىقارالىق ارالدى قۇتقارۋ قورى اياسىنداعى ءوزارا ءىس-قيمىلعا ەگجەي-تەگجەي توقتالدى.
ەكىجاقتى كۇن ءتارتىبىنىڭ ماڭىزدى بولىگى – مادەني-گۋمانيتارلىق سالا. ءبىلىم, عىلىم, مادەنيەت, مەديتسينا جانە سپورت سالاسىنداعى ءوزارا ءىس-قيمىلدى ارتتىرۋ بويىنشا ۇسىنىستار الماستى. تاراپتار بيىل تاجىكستاندا قازاقستاننىڭ مادەنيەت كۇندەرىن وتكىزۋ جوسپارلارىن بەلگىلەدى. قازاقستاندىق تاراپ «KazAID» اگەنتتىگى جاقىن ارادا ورتالىق ازيا ەلدەرىنەن كەلگەن جاس ديپلوماتتار ءۇشىن ءبىلىم بەرۋ كۋرستارىن جانە مەديتسينا قىزمەتكەرلەرى ءۇشىن تاعىلىمدامالار ۇيىمداستىراتىنىن حابارلادى.
مينيستر م.نۇرتىلەۋ دۋشانبەدە تاجىكستاننىڭ ءىرى كومپانيالارىنىڭ باسشىلارىمەن جەكە كەزدەسۋ وتكىزىپ, قازاق سەرىكتەستەرىمەن, ونىڭ ىشىندە بىرلەسكەن كاسىپورىندار قۇرۋ ارقىلى بەلسەندى ءوزارا ءىس-قيمىل جاساسۋعا شاقىردى. ساپار اياسىندا قازاقستاننىڭ سىرتقى ىستەر ءمينيسترى يسمويل سوموني ەسكەرتكىشىنە گۇل شوقتارىن قويۋ راسىمىنە قاتىسىپ, تاجىكستاننىڭ ۇلتتىق مۇراجايىنا بارىپ قايتتى.
رەسمي ساپاردىڭ ەكىنشى كۇنى مۇرات نۇرتىلەۋ باستاعان سىرتقى ىستەر مينيسترلىگىنىڭ دەلەگاتسياسى قازا تاپقان قازاقستاندىق جاۋىنگەرلەردىڭ مونۋمەنتىنە گۇل شوقتارىن قويدى.
قازاقستاندىق باتىرلاردى ەسكە الۋ ءىس-شاراسىنا تاجىك تاراپىنىڭ وكىلدەرى, ونىڭ ىشىندە تاجىكستاننىڭ مۇقك شەكارا اسكەرلەرىنىڭ ارداگەرلەرى مەن زەينەتكەرلەرى كەڭەسىنىڭ توراعاسى گەنەرال-لەيتەنانت سافارالي سايفۋللوەۆ, سونداي-اق ەلوردالىق مەريا باسشىلىعى قاتىستى.
قازاقستاننىڭ سىرتقى ساياسي سالاسىنىڭ باسشىسى دۋشانبە قالاسىنىڭ باسشىلىعىنا مونۋمەنتكە ۇقىپتى قاراعانى ءۇشىن العىس ايتىپ, ازاماتتارىمىزدىڭ ەرلىكتەرىن ەستە ساقتاۋدا ودان ءارى ىنتىماقتاستىققا ءۇمىت ءبىلدىردى.
