فوتو: اشىق دەرەككوز
ۇكىمەت باسشىسى جىلىنا 70 مىڭعا دەيىن كولىك شىعاراتىن ء«Kىا» اۆتوموبيل زاۋىتىنىڭ قۇرىلىسىمەن تانىستى. كاسىپورىننىڭ باس ديرەكتورى كيم دە كي زاۋىتتا 1,5 مىڭ جاڭا جۇمىس ورنى اشىلاتىنىن اتاپ ءوتتى. باستاپقى كەزەڭدە «Sorento», «Sportage» جانە «Cerato» سياقتى شاعىن توراپتى 3 مودەل ءوندىرىسىن جولعا قويۋ جوسپارلانىپ وتىر. زاۋىتتى ىسكە قوسۋ 2025 جىلعا جوسپارلانعان.
ءاليحان سمايىلوۆ ۇكىمەتتىڭ ەكونوميكانى ارتاراپتاندىرۋعا جانە وڭدەۋ ونەركاسىبىندە لوكاليزاتسيالاۋدى تەرەڭدەتۋگە ۇلكەن كوڭىل ءبولىپ وتىرعانىن اتاپ ءوتتى.
ء«بىز كورەيالىق ارىپتەستەرىمىزدى جانە قازاقستاندا وسىنداي ءىرى ينۆەستيتسيالىق جوبانىڭ ىسكە اسىرىلۋىن قۇپتايمىز. مەنىڭ بىلۋىمشە, بۇل ەۋرازيا قۇرلىعىنداعى جالعىز زاۋىت. بىرەۋى اقش-تا, ەكىنشىسى وسىندا. اتالعان زاۋىتتىڭ قۋاتتىلىعىن ەسكەرسەك, بۇل ءبىزدىڭ رەسپۋبليكا ءۇشىن وتە ماڭىزدى جوبا», دەدى پرەمەر-مينيستر.
پرەمەر-مينيستر ودان كەيىن «Allur» زاۋىتىندا «Chevrolet وnix» اۆتوكولىگىنىڭ وندىرىستىك جوسپارىمەن تانىستى. Allur كومپانيالار توبى ديرەكتورلار كەڭەسىنىڭ توراعاسى اندرەي لاۆرەنتەۆتىڭ ايتۋىنشا, زاۋىت تولىعىمەن ىشكى نارىققا باعدارلانعان جانە قولجەتىمدى باعامەن اۆتوكولىكتەر شىعاراتىن بولادى. سەريالىق ءوندىرىس كولەمى 30 مىڭ بىرلىك بولعاندا كونۆەيەر جىلىنا 400-دەن استام جاڭا جۇمىس ورنىن اشادى.
ۇكىمەت باسشىسى وڭىردە اۋىل شارۋاشىلىعى تەحنيكالارىن قۇراستىراتىن, كومپونەنتتەر مەن قوسالقى بولشەكتەر شىعاراتىن «اگروماشحولدينگ KZ» لوكاليزاتسيا ورتالىعىندا بولدى. بۇگىندە كاسىپورىن جىلىنا 1 مىڭ كومباين, 3 مىڭ تراكتور, 300-گە جۋىق تۇقىم سەپكىش جانە 200 جيناۋشى پلاتفورما شىعارا الادى. اتاپ ايتقاندا, وتكەن جىلى قازاقستاندىق ديقانداردىڭ ەگىس القابىنا 1 200-دەن استام تراكتور مەن كومباين جەتكىزىلدى.
ءاليحان سمايىلوۆ قازىرگى تاڭدا اۋىل شارۋاشىلىعى ماشينالارىن جاساۋ سالاسى جوعارى ءوسۋ قارقىنىن كورسەتىپ وتىرعانىن اتاپ ءوتتى. ماسەلەن, وتكەن جىل قورىتىندىسى بويىنشا 6,4 مىڭ استىق جينايتىن كومباين مەن تراكتور شىعارىلدى, بۇل 2022 جىلمەن سالىستىرعاندا 20%-عا ارتىق.
ءاليحان سمايىلوۆ, سونىمەن قاتار ءداندى-بۇرشاقتى داقىلداردى وڭدەيتىن جاڭا كاسىپورىن «كايدزەن» سەرىكتەستىگىنىڭ جۇمىسىمەن تانىستى. سونداي-اق, «اۋىل اماناتى» باعدارلاماسىنا قاتىسىپ جاتقان زارەچنوە اۋىلىندا تۇراتىن وتباسىعا بارىپ, قاتىسۋشىنىڭ ءۇي شارۋاشىلىعىمەن تانىسادى.
ۇكىمەت باسشىسى ودان كەيىن «Qostanai IT Hub» ورتالىعىنا بارىپ, ءوڭىردىڭ دارىندى جاستارىمەن كەزدەسەدى.
