فوتو: kazaknews.kz
عىلىم جانە جوعارى ءبىلىم ءمينيسترى مەن قازاقستاننىڭ جەتەكشى جوعارى وقۋ ورىندارىنىڭ باسشىلارىنان قۇرالعان قازاقستان دەلەگاتسياسى الەمدەگى ەڭ بەدەلدى ۋنيۆەرسيتەتكە باردى.
ءىس-شارانىڭ ەكىنشى بولىمىندە ءبىلىم جانە عىلىم مينيسترلىگىنىڭ باسشىسى ساياسات نۇربەك بريتاندىقتارعا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسىمەن ازىرلەنگەن «Oxford Qazaq» سوزدىگىنىڭ ءبىرىنشى باسىلىمىن تانىستىردى.
ء«تىل – حالقىمىز ءۇشىن باستى قۇندىلىقتاردىڭ ءبىرى. بۇگىن قازاق جانە اعىلشىن تىلىندەگى Oxford Qazaq سوزدىگىن تانىستىرا وتىرىپ, ءبىز جاڭا تاريحي بەلەسكە كوتەرىلەمىز. سونىڭ ارقاسىندا الەم جۇرتشىلىعى ءبىزدىڭ مادەنيەتىمىز بەن حالقىمىزدىڭ تاريحى تۋرالى مول مالىمەت بىلەتىن بولادى. ءبىز قازاق ءتىلىن تەك قاعاز جۇزىندە عانا ەمەس, مەملەكەتتىك ءتىلدى دامىتۋدى تسيفرلاندىرۋ ارقىلى بەلسەندى تۇردە جۇزەگە اسىرامىز», دەدى مينيستر.
ايتا كەتۋ كەرەك, وتكەن جىلدىڭ سوڭىندا قازاقشا-اعىلشىنشا Oxford Qazaq سوزدىگى جارىققا شىققان بولاتىن. العاشقى باسىلىم 1300 بەتتەن تۇرىپ, 60 مىڭنان استام ءسوزدى قامتىدى. ول احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ ماماندارىنىڭ قاتىسۋىمەن 4 جىل بويى قۇراستىرىلدى. سايكەسىنشە, وندا ەكى ءتىلدىڭ لەكسيكاسىنداعى وزگەرىستەر جانە قازىرگى مادەنيەت پەن عىلىم سالاسىنا قاتىستى سوڭعى جاڭالىقتاردىڭ ەنگەنىن اتاپ كەتكەن ءجون.
