جاستار قۋاتى

ەلىمىزدە مەملەكەت باسشىسىنىڭ باستاماسىمەن 2019 جىلدان باستاپ پرەزيدەنتتىك جاستار كادر رەزەرۆىنە ىرىكتەۋ جۇمىستارى جۇرگىزىلىپ كەلەدى. ماسەلەن, 2023 جىلدىڭ باسىندا پرەزيدەنتتىك جاستار كادر رەزەرۆىندەگى 350 ادامنىڭ ىشىنەن ءتۇرلى جاۋاپتى لاۋازىمعا 258 ادام تاعايىندالدى, ونىڭ ىشىندە 34-ءى ساياسي مەملەكەتتىك قىزمەتشى جانە «ا» كورپۋسىنىڭ ساياسي مەملەكەتتىك قىزمەتشىسى (اپپارات باسشىلارى, كوميتەت توراعالارى). 2023 جىلدىڭ سوڭىندا ۇلتتىق كوميسسيانىڭ شەشىمىمەن پرەزيدەنتتىك جاستار كادر رەزەرۆىنە 50 ادام قابىلداندى. سونداي-اق ءماجىلىس پەن ءماسليحات دەپۋتاتتارى ءۇشىن جاستار, ايەلدەر جانە مۇمكىندىگى شەكتەۋلىلەر قاتارىنان 30 پايىز كۆوتا ەنگىزىلدى. وزگەرىستەر نەگىزىندە ماجىلىسكە 35 جاسقا دەيىنگى 8 دەپۋتات سايلانعان.

شىنىمەن, جاستار كەز كەلگەن قوعام­نىڭ دامۋىنا سەرپىن بەرەدى. ولار­دىڭ بەلسەندىلىگى مەملەكەتتىڭ دامۋ قارقىنى مەن باعىتىن انىقتايدى. جاستار باسقا جاس توپ وكىلدەرىمەن سالىستىرعاندا موبيل­دىلىگى, باستاماشىلدىعى, يننوۆا­تسيالىق ترانسفورماتسيالارعا, جاڭا تەحنولوگيا­لارعا بەيىمدىلىگى, ءتۇرلى سىن-تەگەۋرىنگە قارسى تۇرۋ قابىلەتىمەن ەرەكشەلەنەدى.

وسىعان وراي بۇل توپ وكىلدەرىنىڭ بيلىك قۇرىلىمدارىنا بەلسەندى تارتىلۋى زاڭدىلىق. پرەزيدەنت سۇحباتتا جاس مامانداردى مەملەكەتتىك قىزمەتكە بەلسەندى تارتۋ ساياساتى جالعاساتىنىن اتاپ ءوتتى. بۇل – ءوز كەزەگىندە ءبىلىمدى, جاسامپاز, جاڭا يدەيالارعا سەبەپشى جاستارعا بەرىلەتىن ۇلكەن سەنىم مەن مۇمكىندىك.

دۋلات وتەعالي,

قسزي ەلەكتورالدى ۇدەرىستەردى زەرتتەۋ ءبولىمىنىڭ باس ساراپشىسى