الەمنىڭ 70 ەلىنەن 1900-گە جۋىق سپورتشى قاتىسىپ جاتقان دودانىڭ العاشقى كۇنىندە شاڭعىمەن تۇعىردان سەكىرۋ سايىسىندا يليا ميزەرنىح چەمپيون اتاندى. يليا – 214 ۇپاي جيناپ, قىسقى جاسوسپىرىمدەر ويىندارىندا التىن العان ەلىمىزدىڭ تۇڭعىش سپورتشىسى.
بۇل يليا ميزەرنىحتىڭ حالىقارالىق باسەكەدەگى العاشقى التىنى ەمەس. ول ءبىر جىل بۇرىن II ازيا بالالارى ويىندارىندا جەكەلەي سىندا توپ جارىپ, ارالاس كوماندالىق سىندا سوفيا شيشكينا ەكەۋى كۇمىس جۇلدەنى جەڭىپ العان. سونداي-اق يليا ەلىمىزدىڭ IV قىسقى جاستار سپورت ويىندارىندا قارسىلاس شاق كەلتىرمەگەن. الماتى مەن كەمەروۆو قالاسىندا وتكەن ءدۇبىرلى جارىستاردا دا يليا ك-60 ترامپليننەن سەكىرسە, وڭتۇستىك كورەيادا ك-90, ياعني 90 مەتر بيىكتەن قالىقتادى.
جالپى, وسىعان دەيىنگى ءۇش وليمپيادادا قورجىنعا تەك 1 كۇمىس پەن 4 قولا جۇلدە تۇسكەن ەدى. گالينا ۆيشنەۆسكايا-شەپورەنكو 2012 جىلى كۇمىس جانە قولا مەدال جەڭىپ السا, سەرگەي مالىشەۆ تا ۇزدىك ۇشتىكتەن كورىندى. 2016 جىلى ارينا پانتوۆا مەن ەليزابەت تۇرسىنباەۆا قولا جۇلدەگە يە بولدى. ال 2020 جىلى بىردە-ءبىر سپورتشىمىز جۇلدەگە يە بولا المادى. سوندىقتان ي.ميزەرنىحتىڭ جەڭىپ العان التىن مەدالى قىسقى ويىنداردا مەرەيىمىزدى ۇستەم ەتتى.
شورت-ترەكشى قىز پولينا ومەلچۋك قىسقى جاسوسپىرىمدەر وليمپياداسىنىڭ قولا جۇلدەگەرى اتاندى. ول 1000 مەترگە جۇگىرۋدەن مارەگە ءۇشىنشى بولىپ كەلدى. ونىڭ ۋاقىت كورسەتكىشى – 1:41.600.
قۋانارلىعى, پولينا – ءوزىمىزدىڭ ء«ونىم». ياعني سپورتشى قىز – ق.مۇڭايتپاسوۆ اتىنداعى مەكتەپ-ينتەرنات-كوللەدجدىڭ 11-سىنىپ وقۋشىسى.
– بۇل جەڭىس – مەن ءۇشىن ۇمىتىلماس قۋانىش. بارلىعىن باپكەردىڭ نۇسقاۋى بويىنشا ىستەدىم. قۇرعان تاكتيكامىز ءساتتى ورىندالدى. وليمپيادانىڭ دەڭگەيى باسقاشا بولادى ەكەن. مۇنداي ۇلكەن دوداعا ءبىرىنشى رەت قاتىسىپ وتىرمىن. بۇگىنگى قولا جۇلدە مەنى سپورتشى رەتىندە ءالى كوپ ەڭبەكتەنۋ كەرەك ەكەنىن اڭعارتتى. ارمانىم – وليمپيادا چەمپيونى اتانۋ, – دەدى پ.ومەلچۋك.
تاعى ءبىر جاعىمدى جاڭالىق كەشە كەلىپ ءتۇستى. قازاقستان كوماندالىق سايىستا تا جۇلدە الۋدى ۇيرەندى. حوككەيدەن جاستار قۇراماسى وليمپيادانىڭ قولا جۇلدەگەرى اتاندى. تەمىرلان ايبول ۇلى, بەكسۇلتان ماقىش, ءادىلحان ساتتار, ارمان تولەن, ءانۋار احمەتجانوۆ سىندى قازاعى كوپ كوماندا جۇلدەلى ءۇشىنشى ورىن ءۇشىن سايىستا اۋستريا قۇراماسىن قاپى قالدىردى. ەسەپ – 6:5, ءبىزدىڭ پايدامىزعا شەشىلدى.
جالپى, ءدۇبىرلى دودا بەلورتاسىنان اسقانىمەن, قازىردىڭ وزىندە ناتيجە جامان ەمەس. بولاشاقتا وسى جاس سپورتشىلار ۇلتتىق قۇرامانى جەڭىسكە جەتەلەيدى دەپ ۇمىتتەنەمىز.
ءدۇبىرلى دودا 1 اقپاندا اياقتالادى.
