فوتو: olympic.kz
بۇعان دەيىن وسى تۋردا قاتارىنان ەكى رەت جەڭىسكە جەتكەن وسكەمەننىڭ «بەرەلىن» تالقىقورعاننىڭ «جەتىسۋ» كومانداسى توقتاتتى. سەربيالىق ماركو گرشيچتىڭ شاكىرتتەرى 3:1 (22:25, 25:21, 25:20, 27:25) ەسەبىمەن جەڭىسكە جەتىپ, 31 ۇپايمەن بەسىنشى ورىنعا تۇراقتادى.
ەسەسىنە سولتۇستىكقازاقستاندىق «قۋانىش» وسكەمەندىك «التايدى» 3:0 (25:20, 25:19, 25:18) ەسەبىمەن تىزە بۇكتىرىپ, 38 ۇپايمەن كوش باسىنا قايتا كوتەرىلدى. 37 ۇپايى بار «بەرەل» ەكىنشى ورىنعا ءتۇسىپ قالدى. «ايقاراكوزدى» (تالدىقورعان) 3:0 (25:23, 25:16, 25:19) ەسەبىمەن وڭاي ۇتقان «الماتى» 31 ۇپايمەن ءۇشىنشى ورىنعا شىقتى.
سونداي-اق الاڭ يەلەرى – پاۆلوداردىڭ «ەرتىسىن» 3:0 (25:22, 25:20, 25:11) ەسەبىمەن جەڭگەن «تۇراننىڭ» (تۇركىستان) دا 31 ۇپايى بار. ولار دوپ ايىرماشىلىعى بويىنشا ۇزدىك تورتتىككە تابان تىرەدى. كەشە ورتالىق كەزدەسۋ «بەرەل» مەن «تۇران» اراسىندا ءوتتى.
