قازىرگى كەزدە وڭىردەگى جاعداي تۇراقتى, الاڭداۋعا نەگىز جوق. اقتوبە وبلىسى پوليتسيا دەپارتامەنتىنىڭ ءباسپاسوز قىزمەتى قر قىلمىستىق كودەكسىنىڭ 201-بابىمەن قىلمىستىق ءىس قوزعالىپ, تەررورلىق ارەكەت تۋرالى جالعان حابار تاراتۋشى شەتەل ازاماتىنىڭ جەكە باسى انىقتالىپ جاتقانىن حابارلادى.
ايتا كەتۋ كەرەك, بۇگىن ءتۇس مەزگىلىندە الەۋمەتتىك جەلىلەردە اقتوبە قالاسىنىڭ بىرنەشە مەكتەبىنە ءبىر مەزگىلدە شابۋىل جاسالاتىندىعى تۋرالى حابار تارادى. ول تەلەگرامم-كانالدا قالاداعى قانداي مەكتەپتىڭ تەررورلىق شابۋىلعا ۇشىرايتىنىن دا كورسەتكەن. دەرەۋ ءبىلىم بەرۋ ۇيىمدارىندا قاۋىپسىزدىكتى قامتاماسىز ەتۋگە پوليتسيا جاساقتارى جىبەرىلىپ, مەكتەپتىڭ كىرەبەرىستەرىندەگى وتكىزۋ رەجيمى مەن بەينەباقىلاۋ جۇيەلەرى قاداعالاۋعا الىندى. ءوڭىر باسشىسى اسحات شاحاروۆ پەن وبلىستىق ءبىلىم باسقارماسىنىڭ باسشىسى جايىق سۇلتان, وبلىستىق پوليتسيا دەپارتامەنتىنىڭ باسشىسى اباي ءجۇسىپوۆ №21, №27, №32 مەكتەپ-گيمنازياسىنا بارىپ جاعدايدى ءوز كوزدەرىمەن كوردى, وقۋشىلاردىڭ اتا-انالارىمەن پىكىرلەستى.
بۇگىن مەكتەپتەردە ساباقتار قالىپتى جاعدايدا ءوتتى, ونلاينعا كوشۋ تۋرالى ماسەلە كوتەرىلگەن جوق.
