«گيمناستيكا تاباندىلىقتى تالاپ ەتەدى. سپورتتىق جولىڭدا كەزىككەن كەدەرگىلەر مەن قيىندىقتارعا مويىماۋ كەرەك. رەسپۋبليكالىق, حالىقارالىق بايقاۋلاردا ونەر كورسەتۋ ءۇشىن ۇزدىكسىز دايارلىق, جۇيەلى جاتتىعۋ قاجەت. الداعى شىمكەنت قالاسىندا وتەتىن قازاقستان چەمپيوناتىندا جەڭىس تىلەيمىن», دەدى ايدا ساداتقىزى.
بيبىگۇل ەرنازاروۆا وبلىستىق فەدەراتسيادا 2016 جىلدان بەرى قىزمەت ەتەدى. 9 جاسىنان بەرى گيمناستيكامەن اينالىساتىن تاجىريبەلى سپورتشىنىڭ جاتتىقتىرۋشى رەتىندە ەڭبەك ءوتىلى 30 جىلعا جۋىقتايدى.
«5 جاستان باستاپ قىزدار كىشى, ورتا جانە ۇلكەن توپتاردا جاتتىعادى. جاس ەرەكشەلىگىنە قاراي جاتتىعۋ ۋاقىتى 1–4 ساعاتقا دەيىن سوزىلادى. جارىس الدىندا دايىندىقتى كۇشەيتەمىز», دەيدى ول.
2024 جىلى ناۋرىزدا ماڭعىستاۋ وبلىسىندا كوركەم جانە ەستەتيكالىق گيمناستيكادان رەسپۋبليكالىق جارىس وتەدى. اتالعان جارىستا وبلىس بىرىنشىلىگىندە ىرىكتەلگەن ءار رازريادتان 3 توپ, 5 سپورتشى وبلىس نامىسىن قورعايدى.
وزدەرى ءۇشىن بارلىق جاعداي جاسالعان سپورت كەشەنىندە بالعىن گيمناستار قاۋىرت دايىندىققا كىرىسكەن.
ماڭعىستاۋ وبلىسى
