تسيفرلىق كىتاپحانا

«Qazaq mura» اسىرەسە كوركەم ادەبيەت قورى از ايماقتارداعى كىتاپحانالارعا ۇلكەن سىي بولماق. مەملەكەت باسشىسى قاسىم-جومارت توقاەۆ: «قا­زىر ەلىمىزدەگى مەكتەپ كىتاپ­حانالارىندا 130 ميلليوننان اسا كىتاپ بار. بىراق ونداعى كوركەم ادەبيەتتىڭ ۇلەسى ماردىمسىز. شىن مانىندە, كىتاپ وقيتىن ەل زيالى ۇلتقا اينالادى. ءبىز جاس ۇرپاقتىڭ كىتاپقا قۇشتارلىعىن وياتۋىمىز كەرەك», دەپ «بالالار كىتاپحاناسى» جوباسىن جۇزەگە اسىرۋدى تاپسىرعان. پلاتفورما وسى باس­تامانىڭ اياسىندا ۇلتتىق كىتاپ پالاتاسىمەن ينتەگراتسيالانىپ ىسكە اسىپ وتىر. ول اۋقىمدى كىتاپ قورىنا تەگىن ءارى شەكتەۋسىز قول جەتكىزۋگە مۇمكىندىك بەرىپ قانا قويماي, بارلىق مەكتەپتەن اقپارات جيناپ, ناقتى دەرەكتى دە ۇسىنادى.

ءبىلىم بەرۋ مەن تسيفرلىق يننوۆاتسيالاردى دامىتۋداعى جاڭا قادام وتاندىق باعدار­لاما­شىلاردىڭ ارقاسىندا جۇزەگە اسىپ جاتىر. پلاتفورمانى ازىر­لەۋشىلەر توبىنىڭ جەتەكشىسى مۇقاتاي مالىكتىڭ ايتۋىنشا, تسيفرلىق كىتاپحانا جۇيەسىن دا­يىنداۋعا 3 جىلدان اسا ۋاقىت جۇمسالعان.

– كىتاپحانا سالاسىن تسيفر­لاندىرۋ قازىرگى ءبىلىم بەرۋدەگى زاماناۋي باعىت. بۇگىنگى تاڭدا ەلىمىزدە كىتاپحانا قورى تۋرالى تولىق اقپارات جوق. سون­دىق­تان ەلىمىزدەگى مەكتەپ كى­تاپ­­حانالارىنىڭ جۇمى­سىن تسيفر­­­لاندىرۋ مەن اۆتو­مات­تان­دىرۋعا بايلانىس­تى بىرقاتار ءىس-شارانى ىسكە اسى­رۋ قولعا الىندى. ياعني كىتاپ­حاناشىلار عانا ەمەس, وقىرماندار, باسپالار جانە ءبىلىم باسقارماسى مەن مينيسترلىك وكىلدەرى دە جۇيەگە قوسىلا الادى. پلاتفورما كى­تاپ­حانا اقپاراتىنا نەگىز­دەلگەن قۇجات اينالىمى جۇمىسىن وڭ­تايلاندىرىپ, كى­تاپحانا قو­رىن باسقارۋعا مۇم­كىندىك بە­رەدى, – دەدى جوبا اۆتورى.

جاڭا جۇيە كىتاپحانا­شى­لاردىڭ جۇمى­سىن اۆتوماتتاندىرىپ قانا قويماي, «Oqu» موبيلدىك قوسىمشاسىن ۇسى­نادى. ول وقۋشى­لارعا الەمدىك كلاسسيكانى تۇپنۇسقادا عانا ەمەس, سونىمەن قاتار قازاق تى­لىندە دە تەگىن وقۋعا مۇمكىندىك بە­رەدى. اتالعان قوسىمشادا ءار وقۋشى كەز كەلگەن كىتاپقا تاپسىرىس بەرىپ, ونىڭ قوردا بار-جوعىن دا تەكسەرە الادى.

«Qazaq mura» تسيفرلىق كى­تاپحاناسى قا­لالار مەن اۋىل­دار­داعى كىتاپحانا ينفراقۇ­رىلىمىنىڭ جەتىلمەگەن ماسە­لە­لەرىن شەشۋگە باعىتتالعان. ناتي­جەسىندە, كىتاپحانا قورىنىڭ اينالىمىنداعى كىتاپتاردىڭ بار­لى­عىنىڭ ەلەكتروندى نۇس­قاسى قولجەتىمدى بولادى. بۇل وسكەلەڭ ۇرپاقتى كىتاپ وقۋعا ىنتالاندىرىپ, مادەني مۇرانىڭ ساقتالۋىنا دا سەپتىگىن تيگىزبەك. بۇگىندە بۇل جۇيەگە الما­تىنىڭ بىرقاتار مەكتەبى قوسىلىپ ۇلگەر­گەن. تسيفرلاندىرۋ جوباسى ەندى ەلىمىزدىڭ باسقا دا ايماقتارىن قام­تىماق.