فورۋمعا دايىندىق باستالدى

بيىل التىنشى فورۋمعا شىۇ جانە ەاەو ەلدەرىنىڭ مەم­لەكەت قايراتكەرلەرى, الەم­نىڭ تۇكپىر-تۇكپىرىنەن جەتەكشى ساراپشىلار مەن كاسىپكەرلەر قاتىسادى. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى اقپا­راتتىق تەحنولوگيالار سالاسىن دامىتۋ دەپارتامەنتىنىڭ ديرەكتورى ەرسۇلتان ەرمانوۆتىڭ ايتۋىنشا, بيىلعى فورۋم جاڭا­شىلدىقتارعا تولى بولماق. ما­سەلەن, ىسكەرلىك باعدارلاما مەن كورمە شەڭبەرىندە يننوۆاتسيالار مەن تسيفرلاندىرۋدىڭ كوپجاقتى باعىتتارىنا نازار اۋدارىلادى.

– فورۋم GovTech, 4.0 ين­دۋس­ترياسى, ESG, Smart City جانە باسقا دا سالالارداعى ونەر­كاسىپتەگى تسيفرلىق ترانسفورماتسيا جانە يننوۆاتسيالىق شە­شىمدەر تاقىرىپتارىن اشا­تىن اۋقىمدى ىسكەرلىك باعدارلامانى ۇسىنباق. پانەلدىك پىكىر­تا­لاستار شەڭبەرىندە حالىق­ارا­لىق ساراپشىلار, سالا كوش­باس­شىلارى, IT جانە بيزنەس سالاسىنداعى جەتەكشى يننوۆاتورلار قاتارىنان 200-دەن اس­ا سپيكەر قاتىسادى. ولار ەكو­نوميكا مەن يننوۆاتسيا سەكتورلارىندا جاڭا تەحنولوگيالاردى قولدانۋ جايىندا تابىستى كەيستەرىمەن بولىسەدى, – دەدى ە.ەرمانوۆ.

سونداي-اق فورۋمدا تسيفر­لىق سالاعا جاۋاپتى ۆيتسە-مينيستر­لەردىڭ ءبىرىنشى وتىرىسى ۇيىمداستىرىلادى. ءار مينيستر­لىك ءوزىنىڭ ىسكە اسىرىپ جات­قان اقپاراتتىق جۇيەلەرىن كورسەتەدى.

سونىمەن قاتار بيىل Gov tech سالاسىنداعى باستامالاردى ىسكە اسىرۋ مەن ەكونوميكانىڭ ناقتى سەكتورىنداعى, اتاپ ايت­قاندا, ءوندىرۋشى ونەركاسىپتى تسيفر­لاندىرۋ سالاسىنا با­سىمدىق بەرىلمەك.

Digital Almaty 2024 ۇيىم­داستىرۋ كوميتەتىنىڭ جەتەكشىسى اديا احمەتوۆانىڭ حابارلاۋىنشا, كورمەگە ىسكەرلىك باعدارلاما اياسىندا 200-دەن اسا كومپانيا قاتىسادى. بيىل كورمەنىڭ نەگىزگى نىساندارى – تسيفرلىق دامۋ, ەنەرگەتيكا, سونداي-اق ونەركاسىپ جانە قۇرىلىس مينيستر­لىكتەرىنىڭ كورمەلەرى. قازاق­ستان, رەسەي, قىرعىزستان, وزبەكستان جانە ارمەنيا ەلدە­رىنەن 126 تەحنولوگيالىق ستارتاپ قاتىسادى. حالىقارالىق كور­مەلەر وتەدى. ولاردىڭ اراسىندا يران, تاتارستان, قىتاي كورمەلەرى بار.

– كورمەنىڭ تاعى ءبىر تۇسى – يننوۆاتسيالىق جوبالارمەن تانىستىراتىن جەر قويناۋىن پايدالانۋشىلار اللەيالارى. وعان قاتىساتىن وتاندىق جانە شەتەلدىك كومپانيالاردىڭ ءتۇر­لى يننوۆاتسيالىق شەشىم­دەرى ۇسىنىلادى. Tech gar­den رەزيدەنتتەرى اراسىنان ونەر­كاسىپ ءۇشىن شەشىمدەر ازىر­لەي­تىن ەلىمىزدىڭ ۇزدىك ءىت-كومپا­نيالارىنىڭ كورمەسى دە وتەدى, – دەدى اديا احمەتوۆا.

فورۋم اياسىندا ورتالىق ازيا­داعى ەڭ ۇزدىك ستارتاپ اتاعى ءۇشىن العاشقى ءىرى سايى­س ۇيىمداستىرىلادى. جالپى, جۇلدە قورى 150 مىڭ دوللاردى قۇرايتىن «Industry 4.0 Startup Battle» ۇزدىك ونەركاسىپتىك ستارتاپتى انىقتايتىن اۋقىمدى سايىس بولىپ سانالادى. ونىڭ ماقساتى – ونەركاسىپتى تسيفر­لاندىرۋ سالاسىنداعى يننو­ۆاتسيالىق ستارتاپتاردى قول­داۋ. «Industry 4.0 Startup Battle» ۇتىمدى يدەيالار مەن شە­شىم­دەردىڭ, تەحنولوگيالىق يننو­ۆا­تسيالاردىڭ شىڭى بولماق.

الەمدىك ساراپشىلار مويىن­داعان Digital Almaty فورۋمى بىلتىر تسيفرلىق تاۋ-كەن, مەم­لەكەت باسقارۋىن, كريپتوبيرجا, كيبەرقاۋىپسىزدىك, ءبىلىم بەرۋ جانە كورپوراتيۆتى يننوۆاتسيالاردى تالقىلاۋدا 150-دەن اسا سپيكەردىڭ باسىن قوس­قان بولاتىن. سونىمەن قاتار فورۋم مەكتەپ وقۋشىلارىنا ار­نالعان Digital Ministry Cup اتتى روبوتتەحنيكا جانە ين­جەنەرلىك جوبالار بويىنشا العاشقى حالىقارالىق چەمپيوناتىن وتكىزدى. قازاقستان, رەسەي جانە ازەربايجاننان كەلگەن قاتىسۋشىلار اراسىندا ءتورت اتالىم بويىنشا جەڭىمپازدار انىقتالدى. بىلتىر فورۋم الا­ڭىندا العاش رەت Tech Garden Awards ماراپاتتاۋ ءراسىمى ءوتىپ, 2022 جىلدىڭ قورىتىندىسى بويىنشا ءوندىرىس جۇمىستارىنا يننوۆاتسيالىق جوبالاردى ەن­گىزگەنى ءۇشىن ونەركاسىپ ورىندا­رى مەن يندۋستريالىق كاسىپ­ورىندار ماراپاتتالدى.