باۋىرلاس ەلمەن بايلانىس

اتاپ ايتقاندا, سۇحباتتاسۋشىلار ەكى باۋىرلاس ەلدىڭ پارلامەنتارالىق ىنتىماقتاستىعىن ودان ءارى نىعاي­تۋ­­دىڭ, سونداي-اق تۇركپا سياقتى كوپجاقتى الاڭدار شەڭبە­رىندەگى ءوزارا ءىس-قي­مىلدىڭ ماڭىزدىلىعىن اتاپ ءوتتى.

سۇحبات بارىسىندا ساحيبا گافاروۆا مەملەكەت باسشىلارى ارا­سىنداعى سەنىمدى ديالوگتىڭ ما­ڭىز­دىلىعىنا نازار اۋدارىپ, ەڭ جوعارى جانە جوعارى دەڭگەيدەگى ءوزارا ساپارلار باۋىرلاستىق قاتى­ناس­تاردى ودان ءارى نىعايتۋعا ىقپال ەتەتىنىن تىلگە تيەك ەتتى.

پارلامەنت ءتورايىمى ەكىجاقتى ىنتىماق­تاستىقتى دامىتۋداعى قا­زاقستان ديپوكىلدىگىنىڭ رولىنە دە نازار اۋداردى. وسى رەتتە س.گافاروۆا 2023 جىلدىڭ جەلتوق­سا­نىندا ازەر­باي­جاندا وتكەن قازاقستاننىڭ ما­دەنيەت كۇندەرىنىڭ جوعارى دەڭ­گەيدە ۇيىمداستىرىلعانىن اتاپ ءوتتى.

ءوز كەزەگىندە ءالىم بايەل قازاق­ستان مەن ازەر­بايجاننىڭ ەكى ەل ءۇشىن عانا ەمەس, بۇكىل ءوڭىر ءۇشىن ۇلكەن ماڭىزى بار بىرقاتار ءىرى ەكو­نو­ميكالىق جوبانى ىسكە اسىرىپ جات­قانىن اتاپ ايتتى. سونىمەن قا­تار ەلشى 7 اقپانعا جوس­پارلانعان پرەزيدەنتتىك سايلاۋ باۋىرلاس ازەر­باي­جاننىڭ ودان ءارى دامۋىنا نەگىز بولادى دەگەن ءۇمىتىن ءبىلدىردى.

تاراپتار پارلامەنتارالىق ىن­تى­ماقتاستىقتىڭ ەكىجاقتى قارىم-قاتىناستاردىڭ ماڭىزدى ولشە­مى ەكەنىن ايتىپ, تاياۋ بولاشاققا ارنالعان بىر­قاتار ناقتى ءىس-شارا مەن باستامانى تال­قىلادى. سۇح­بات­تاسۋشىلار وڭىرلىك كۇن تارتى­بىن­دەگى وزەكتى ماسەلەلەر بويىنشا پىكىر الماس­تى.

قازاقستان ديپلوماتى ازەر­باي­­جان پارلامەنتى حالىق­ارا­لىق قاتىناستار جانە پار­لامەنتارالىق بايلانىستار كو­ميتەتىنىڭ توراعاسى سامەد سەيدوۆ­پەن دە كەزدەستى. تاراپ­تار ءوزارا قىزىعۋ­شىلىق تۋدىراتىن بىر­قاتار ماسەلە بويىنشا پىكىر ال­ماستى.