فوتو: ەگەمەن قازاقستان
سەناتوردىڭ ايتۋىنشا, قازاقستان بۇۇ-نىڭ مۇشەسى بولعاندىقتان وسىنداي ءىس-قيمىلدار مۇشە مەملەكەتتىڭ جاۋاپكەرشىلىگىنە جاتادى. سونداي-اق بۇل قادام قازاقستاننىڭ بىتىمگەر ساياساتىن قولدايتىنىن كورسەتەدى. وسى سەبەپتى قازاقستان بىتىمگەرلىك ميسسيالارعا قاتىسادى.
ء«بىزدىڭ اسكەريلەر پاترۋلگە شىعادى, بەيبىتشىلىك پەن قاۋىپسىزدىكتى ساقتاۋ ميسسياسىن ورىندايدى. ولار ەرەكشە جاعدايلاردا جاۋىنگەرلىك كۇش پەن قۇرالداردى قولدانۋى مۇمكىن, ءبىز مۇنى جوققا شىعارا المايمىز. بۇل رەتتە, سول اۋماققا قارۋلى كۇشتەردىڭ دايىندىقتان وتكەن قىزمەتشىلەرى باعىتتالادى. بۇۇ ميسسياسى اياسىندا باراتىن قازاقستان اسكەريلەرى دالالىق گوسپيتالداردى ورنالاستىرادى. وسى ورايدا ءتۇرلى كاسىپتىك باعىتتاعى اسكەري دارىگەرلەر, ينجەنەرلىك-ساپەرلىك بولىمشەلەر قىزمەت ەتەدى. ساپەرلەر جارىلعىش زاتتاردى تاۋىپ, اۋماقتى تازارتادى», دەدى ا. لۋكين.
ونىڭ ايتۋىنشا, الداعى ۋاقىتتا جىبەرىلەتىن كونتينگەنتتى قارجىلاندىرۋدىڭ تولىق سوماسى بيىل ناۋرىز ايىندا بەلگىلى بولادى.
