جاياۋ جۇرگىنشى كولىكتەردى وتكىزۋگە مىندەتتەلە مە؟

بۇل سۇراققا ءىىم م.ەسبو­لا­توۆ اتىنداعى الماتى اكا­دەمياسى اكىمشىلىك-قۇقىق­تىق پاندەر كافەدراسى باسشى­سى­نىڭ ورىنباسارى, پولي­تسيا پود­پولكوۆنيگى اسەم قىرعىز­بەكقىزى جاۋاپ بەرەدى.

– بۇعان دەيىن ءىىم قوعام­دىق تالقىلاۋعا جول قوزعالىسى ەرە­جەلەرىنە, كولىك قۇرالدا­رىن پايدالانۋعا رۇقسات بەرۋ جونىندەگى نەگىزگى ەرەجەلەرگە وزگەرىستەر ەنگىزۋ جوباسىن ۇسىن­عان بولاتىن. قۇجاتتا «باع­دارشامنىڭ جاسىل ءتۇسى جان­عان كەزدە جاياۋ جۇرگىنشى­لەر جول قيىلىسىندا قوزعالى­سىن باستاپ قويعان كولىكتەرگە مانەۆ­رىن اياقتاۋ ماقساتىندا جول بەرۋگە ءتيىس» دەگەن تارماق قاراستىرىلعان.

قازىرگى ەرەجە بويىنشا جاياۋ جۇرگىنشى باعدارشامنىڭ جا­سىل تۇسىنە ءوتۋ كەزىندە قيىلىس­تا­عى بۇرىلىپ جاتقان كولىكتەرگە قارامايدى, كولىكتەر ادامداردى وتكىزۋگە مىندەتتى. جاياۋ جۇر­­گىنشىلەر اينالاسىنداعى كو­­لىكتەردىڭ بار-جوعىنا قارا­ما­عاندىقتان, سالدارىنان كوشە قيىلىستارىندا جول-كولىك وقي­عالارى ءجيى بولىپ جاتادى. پوليتسيا وسىنى ەسكەرىپ, جاياۋ جۇرگىنشىلەر وزدەرىنە جاسىل ءتۇس جانىپ تۇرعانىنا قاراماستان, قيىلىستاعى مانەۆرىن باستاپ قويعان كولىكتەردى الدىمەن وتكىزىپ بارىپ, جولدان وتسە, اپاتتار ورىن المايدى دەپ پا­يىمداعان بولاتىن.

الايدا اتالعان وزگەرىس­تەر­دى ەنگىزۋ قوعام مەن ساراپشىلار تاراپىنان قولداۋ تاپپادى, سوندىقتان جوبادان الىندى. ەلىمىزدە سەرۆيستىك پوليتسيا مودەلىنە سايكەس پوليتسيا قىزمەتكەرلەرى قوعام­دىق قاۋىپسىزدىكتى قامتاماسىز ەتۋ ماسەلەلەرىن قوعاممەن بىر­لەسە وتىرىپ شەشەدى جانە قو­عام پىكىرىنە ءاردايىم قۇلاق اسادى.