فوتو: شقو تجد
قۇتقارۋشىلارعا تابيعي سيپاتتاعى توتەنشە جاعداي جاريالانعان كۇرشىم اۋدانىندا, قالىڭ قاردىڭ سالدارىنان جول جوق قاينارلى اۋىلىندا جۇكتى ايەلدى مەديتسينالىق مەكەمەگە شۇعىل تاسىمالداۋ قاجەت ەكەندىگى تۋرالى حابار كەلىپ ءتۇستى.
شقو تجد جەدەل-قۇتقارۋ جاساعىنىڭ قۇتقارۋشىلارى كومەككە جول تالعامايتىن «شەرپ» كولىگىمەن شىقتى, ولار قاردا قالعان كەنتكە دەيىن 1,5 مەتردەن اساتىن قاردىڭ وراسان زور قالىڭدىعىن ەڭسەرىپ, جولدى جارىپ وتىرىپ جەتتى. قيىن جولدى ەڭسەرۋ ءۇشىن 7 ساعاتتان استام ۋاقىت پەن قۇتقارۋشىلاردىڭ تاباندىلىعى قاجەت بولدى.
ناتيجەسىندە 2002 جىلى تۋعان جۇكتى ايەل مارقاكول اۋىلىندا ورنالاسقان ەڭ جاقىن اۋرۋحاناعا قاۋىپسىز جەتكىزىلدى.
«توتەنشە جاعداي كەزىندە 112 ءنومىرى بويىنشا حابارلاڭىز», دەپ قوستى شقو قۇتقارۋشىلارى.
