فوتو:gov.kz
ءماجىلىستىڭ جالپى وتىرىسىنان كەيىن جۋرناليستەر قوعامدا قىزۋ تالقىلانىپ جاتقان مارقۇمداردىڭ اعزاسىن جاقىندارىنىڭ رۇقساتىنسىز الۋ تاقىرىبىنا قاتىستى دەنساۋلىق ساقتاۋ ءمينيسترىنىڭ پىكىرىن سۇرادى.
اجار عينيات ءوز كەزەگىندە «ولىمنەن كەيىنگى اعزا دونورلىعىنا كەلىسەسىز بە؟» دەگەن سۇراققا «كەلىسەمىن» دەپ جاۋاپ بەردى.
ول بۇل كەشەندى ماسەلە ەكەنىن ايتىپ, ءوزى باسقاراتىن مينيسترلىك اتالعان ماسەلەدە اۋقىمدى ءتۇسىندىرۋ جۇمىستارىن جۇرگىزىپ جاتقانىن مالىمدەدى.
«ادام ءومىرىن ساقتاۋ ءۇشىن كەيبىر قايتىس بولعان ادامدار نەمەسە ولاردىڭ تۋىستارى ورگاندارىن قيىن جاعدايدا جۇرگەن, سوزىلمالى اۋرۋلارى بار, جۇرەگىن, بۇيرەگىن الماستىرۋدى قاجەت ەتەتىن ادامدارعا بەرە الادى. زاڭ جۇزىندە وعان قاجەتتى بارلىق نورمالار بار. سونىمەن قاتار مينيسترلىك جانىنداعى مەكەمەدە جاسالعان ەلەكتروندى رەگيستر بار. ءبىزدىڭ ءاربىر كامەلەتكە تولعان ازامات سول رەگيستردە ءوز اعزا مۇشەلەرىن قايتىس بولعاننان كەيىن باسقا مۇقتاج ادامعا بەرۋ ماسەلەسى بويىنشا پايىمىن جازىپ كەتە الادى. بۇگىنگى تاڭدا 40 مىڭنان استام ەل ازاماتى وسى رەگيستردە ويىن ءبىلدىرىپتى. سونىڭ 15 پايىزى قايتىس بولعاننان كەيىن ءوز اعزاسىن باسقا ازاماتتاردىڭ ءومىرىن ساقتاۋ ءۇشىن بەرۋگە كەلىسەتىنىن ايتقان. بۇل ماسەلە قوعامنىڭ كەشەندى تالقىلاۋى ارقىلى رەتتەلۋ كەرەك. مينيسترلىك بۇل باعىتتا اۋقىمدى ءتۇسىندىرۋ جۇمىستارىن جۇرگىزىپ جاتىر», دەدى دەنساۋلىق ساقتاۋ ءمينيسترى.
ەسكە سالايىق, «قازاقستان حالقىنا» قورىنىڭ باسشىسى مارقۇمداردىڭ اعزاسىن رۇقساتسىز الۋدى ۇسىنعان بولاتىن.
ءبىز وسى ۇسىنىستىڭ شاريعات شىڭبەرىندە قانشالىقتى ورىندى ەكەنىن ءمۇفتياتتان سۇراپ بىلدىك.
