الماتىداعى اباي اتىنداعى دارىندى بالالارعا ارنالعان ماماندارىلعان مەكتەبى مەن №124 ورتا مەكتەبىنىڭ, سەمەي قالاسىنىڭ ش.قۇدايبەردى ۇلى اتىنداعى كوپسالالى مەكتەبىنىڭ ءبىلىم الۋشىلارى يندونەزيانىڭ دەپوك قالاسىندا وتكەن FIRST Tech Challenge روبوتتەحنيكا بويىنشا وتكەن اشىق بىرىنشىلىگىندە جوعارى ناتيجەگە قول جەتكىزدى. چەمپيوناتقا 9-11 سىنىپ وقۋشىلارىنان قۇرىلعان «Antares», «124», «زامان» جانە «Shanyraq» كوماندالارى قاتىستى.
ال جالپى سايىستا وڭتۇستىك-شىعىس ازيا ەلدەرىنەن كەلگەن 150 جاس روبوتتەحنيك باق سىناستى. ولار بىرنەشە كۇن بويى جاساعان جۇمىستارىن قورعاپ, ناتيجەسىندە ەڭ ۇزدىك جوبالار انىقتالدى. سونىڭ ىشىندە ەلىمىزدىڭ نامىسىن قورعاعان كوماندالار جەتى جۇلدەنى قورجىنعا سالدى. اتاپ ايتساق, «124» كومانداسى Control Award بويىنشا 1-ورىن, Think Award بويىنشا 3-ورىن, Connect Award بويىنشا 3-ورىن يەلەندى. «Antares» كومانداسى Finalist award بويىنشا 2-ورىن, Think Award بويىنشا 1-ورىن, Control Award بويىنشا 1-ورىندى ولجالادى. «Shanyraq» كومانداسى Robot game بويىنشا 3-ورىندى ماسە تۇتتى.
الماتى قالاسىنىڭ №124 ورتا مەكتەبىنەن قاتىسقان «124» كومانداسىنىڭ جاتتىقتىرۋشىسى بەكزات امانوۆتىڭ ايتۋىنشا, وقۋشىلار لايىقتى ناتيجە كورسەتە ءبىلدى. ء«بىز چەمپيوناتقا روبوتتەحنيكاعا جاڭادان قوسىلعان كوماندالارىمىزدى حالىقارالىق كوماندالارمەن تاجىريبە الماسسىن دەپ الىپ كەلدىك. سونىڭ وزىندە يندونەزيا چەمپيوناتىنا الەمدىك كەزەڭگە ىرىكتەلگەن مىقتى كوماندالار قاتىساتىنىن بىلگەنىمىزدە تاڭ قالدىق. كوماندالاردىڭ روبوتتەحنيكادا 4-5 جىلدىق تاجىريبەسى بار بولسا دا, جارىسقا ءبىرىنشى رەت قاتىسقان وقۋشىلارىمىز ولارمەن تەڭ دارەجەدە باق سىناستى. ءبىزدىڭ وقۋشىلار فينالدىق ويىندارعا دەيىن ءوتىپ, تورەشىلەردەن جوعارى باعا العان كەزدە قاتتى قۋاندىق», دەيدى باپكەر.
ايتا كەتەيىك, يندونەزيادا وتكەن چەمپيوناتقا جولدامانى وقۋشىلار وتكەن جىلدىڭ جەلتوقسان ايىندا وقۋ-اعارتۋ مينيسترلىگىنىڭ جانە الماتى قالاسى اكىمدىگىنىڭ قولداۋىمەن USTEM Foundation قوعامدىق قورى ۇيىمداستىرعان Almaty Tech Cup رەسپۋبليكالىق تۋرنيرىندە جەڭىپ العان بولاتىن.
