ەرىكتىلەر استانانىڭ بارلىق 5 اۋدانىن قامتۋدى جوسپارلاپ وتىر. جىل باسىنان بەرى قالا بويىنشا 30-عا جۋىق جەكە سەكتور اۋلاسى قاردان تازارتىلىپتى. وعان قوسا قوعام جاناشىرلارى حالىقتىڭ الەۋمەتتىك وسال توپتارىنان شىققان وتباسىلارعا ازىق-ت ۇلىك سەبەتتەرىن تاراتۋدى داستۇرگە اينالدىرعان. ەگدە جاستاعى ازاماتتارعا وتىن جارۋعا دا كومەكتەسىپ ءجۇر.
«جىگىتتەر وتە جاقسى. ءۇيىلىپ جانە قاتىپ قالعان قاردى تازالاۋ بىزگە وتە قيىن. وسى جاسىمدا ونى جاساي الماس ەدىم. اۋلاعا شىعۋىم مۇڭعا اينالىپ ەدى. جاستار كەلىپ, جولىمدى قاردان تازارتىپ بەردى. وسىنداي تاربيەلى جاستارىمىز ءوسىپ كەلە جاتقانىنا قۋانامىن. اۋلامنىڭ تازالىعى عانا ەمەس, ەرىكتىلەردىڭ پوزيتيۆتىلىگى مەن ەنەرگياسى دا ۇنايدى», دەدى الماتى اۋدانىنىڭ تۇرعىنى ليديا لوگۆينوۆا.
سونداي-اق بەلسەندىلەر قىتىمىر قىستا, كۇن-ءتۇن دەمەي قالىڭ قاردى تازالاپ, قالاداعى جول قوزعالىسىنىڭ قولايلىلىعىنا سەپ بولىپ جۇرگەن ارنايى كوممۋنالدىق قىزمەت ماماندارىنا ىستىق شاي دا ۇلەستىردى.
«يگىلىگى مول ءداستۇر قالا تۇرعىندارىن ءاردايىم قۋانىشقا بولەيدى. ايازدى كۇنى ىستىق شاي ادامنىڭ بويىنا جىلۋ بەرىپ قانا قويماي, جۇرەگىنەن جىلۋى توگىلىپ تۇرعان مەيىرىمدى جانداردىڭ بار ەكەنىن بىلدىرەدى. نەگىزى اكتسيا جىل بويى جالعاسادى. ءىس-شاراعا «استانا جاستارى» جاستار رەسۋرستىق ورتالىعىنىڭ جانىندا ۆولونتەرلەر قوزعالىسىن دامىتۋ ءبولىمى جاۋاپتى. ءبولىمنىڭ نەگىزگى مىندەتى – جاستاردى قالانىڭ الەۋمەتتىك ومىرىنە تارتۋ. سوندىقتان ۆولونتەرلەر تۇراقتى نەگىزدە ۆولونتەرلىك قىزمەتتىڭ ءارتۇرلى باعىتتارىنا قاتىسادى. «استانا جاستارى» جرو بازاسىندا ءتورتىنشى جىل ۆولونتەرلەر جىلى شەڭبەرىندە جانە 2021-2023 جىلدارى ۆولونتەرلىكتى دامىتۋدىڭ جول كارتاسىن ورىنداۋ شەڭبەرىندە ۆولونتەرلىك ۇيىمدار مەن قوزعالىستاردى شوعىرلاندىرۋدى ۇيىمداستىرۋ, اقپاراتتىق جانە رەسۋرستىق كومەك كورسەتۋ, قالادا ءىس-شارالاردى ەسەپكە الۋدى جۇرگىزۋ, كۇش-جىگەردى بىرىكتىرۋ, دەربەس قوزعالىستار سانىن ۇلعايتۋ ءۇشىن قالالىق ۆولونتەرلەر شتابى جۇمىس ىستەيدى. تۇراقتى نەگىزدە 30 ۆولونتەرلىك ۇيىممەن جانە 20 باستاماشىل توپپەن, 4 ۇەۇ-مەن مەملەكەتتىك جاستار ساياساتىن ىسكە اسىرۋ سالاسىندا, كاسىپورىندار مەن قالا مەتسەناتتارىمەن ىنتىماقتاستىق جانە بىرلەسكەن قىزمەت جۇرگىزىلەدى. شتابتا 6 مىڭنان استام بەلسەندى ۆولونتەر بار», دەدى استانا قالاسى اكىمدىگىنىڭ «استانا جاستارى» جرو» كمم-ءنىڭ ۆولونتەرلەر قوزعالىسىن دامىتۋ ءبولىمىنىڭ مامانى ايزات ءالي.
ايتا كەتەيىك, وتكەن جىلى ۆولونتەرلىكتى دامىتۋدىڭ 2021-2023 جىلدارعا ارنالعان جول كارتاسىن ىسكە اسىرۋ جۇمىستارى اياقتالدى. ناتيجەسىندە, ۆولونتەرلىك ۇيىمداردىڭ سانى 3 ەسەگە ارتتى. مادەنيەت جانە اقپارات مينيسترلىگىنىڭ مالىمەتىنشە, ۆولونتەرلىك ينفراقۇرىلىمدى دامىتۋ باعىتىندا رەسپۋبليكالىق جانە 20 وڭىرلىك فرونت-وفيس جۇمىس ىستەيدى. سونداي-اق Qazvolunteer.kz ونلاين پلاتفورماسى ىسكە قوسىلىپ, وندا بۇگىندە 60 مىڭنان اسا بەلسەندى ۆولونتەر تىركەلگەن. 150-دەن استام ۆولونتەرلىك جوبا جانە 700-دەن اسا ۆولونتەرلىك باستاما ىسكە استى. سونداي-اق ازاماتتاردى ۆولونتەرلىك قىزمەتكە قاتىسۋعا ىنتالاندىرۋعا باعىتتالعان «ۆولونتەرلىك قىزمەت تۋرالى» زاڭعا تۇزەتۋلەر ەنگىزىلدى.
ەندى ەلىمىزدە ۆولونتەرلىكتى دامىتۋ مەن قولداۋدىڭ 2024-2026 جىلدارعا ارنالعان جول كارتاسى قابىلداندى. قۇجاتتى ازىرلەۋگە رەسپۋبليكانىڭ 20 وڭىرىنەن 500-دەن اسا ادام قاتىستى. باستاما شەڭبەرىندە 200-دەن استام ۇسىنىس تۇسكەن.
