فوتو: aqmeshit-aptalygy.kz
ء«بىر ەرەكشەلىگى ء«سىبىر جاراسى» ادامنان ادامعا جۇقپايدى. بۇل – زونوزدىق ينفەكتسيا, ول تابيعاتتا بۇرىننان بار. جالپى, جانۋارلار ءتۇرلى اۋرۋمەن اۋىرماۋى ءۇشىن ولار جىل سايىن ۆاكتسيناتسيالانۋى كەرەك. بارلىق دەرت جەكە شارۋاشىلىقتا تىركەلدى. ولاردىڭ مال-مۇلكىنە ۆاكتسيناتسيا جاسالماعان», دەگەن ءمينيستردىڭ سوزىنەن كوپ دۇنيەنى اڭعارۋعا بولادى. ءتورت ت ۇلىك باعىپ وتىرعان ازاماتتاردىڭ مالعا دەر كەزىندە ەكپە سالدىرۋعا كەلگەندە كەجەگەسى كەيىن تارتۋىنىڭ سالدارىنان ادامدار زارداپ شەگىپ جاتىر.
ايدىڭ كۇننىڭ امانىندا كاسىپكەر اۋرۋ مال ساتادى دەپ كىم ويلاعان؟ وكىنىشكە قاراي, مۇنداي دەرەك تىركەلىپ وتىر. ءيا, جامبىل وبلىسىندا ء«سىبىر جاراسى» دەرتىنە شالدىققان مالدىڭ ەتى ساتىلعان. سالدارىنان اۋرۋ مالدىڭ ەتىن تۇتىنعان ازامات سىرقاتتانىپ قالعان. بۇل اقپاراتتى وبلىستىق سوت تا راستادى.
شىنى كەرەك, ء«سىبىر جاراسى» دەرتىنىڭ وشاعى جىلدا انىقتالىپ جاتادى. وتكەن جىلدىڭ جاز مەزگىلىندە تالاس اۋدانىنا قاراستى تامدى اۋىلى ەكى اپتاعا كارانتينگە جابىلىپ, جاۋاپتى مەكەمەلەر تاراپىنان ءتيىستى جۇمىستار جۇرگىزىلگەن بولاتىن.
جۋالى اۋدانىنا قاراستى كولتوعان اۋىلىنىڭ ازاماتى قاۋىپتى دەرتتى جۇقتىرعانى ءمالىم بولعان. قاتەرلى كەسەل اينالدىرعان بىرنەشە ادام اۋرۋحانا توسەگىنە تاڭىلىپ, ولارمەن بايلانىستا بولعان ونداعان جان مامانداردىڭ قاتىسۋىمەن تەكسەرۋدەن وتكەن ەدى.
ناقتى دەرەككە كوز جۇگىرتسەك, كاسىپكەر وتكەن جىلدىڭ تامىز ايىندا ء«سىبىر جاراسى» دەرتىمەن اۋىرعان مالدىڭ ەتىن تۇتىنۋشىعا وتكەرگەن كورىنەدى. ال اۋرۋ مالدىڭ ەتىن جەگەن ازامات زاردابىن تارتقان.
وبلىستىق سوتتىڭ رەسمي سايتىنداعى حابارلاماعا كوز جۇگىرتسەك, تالاستىق جەكە كاسىپكەرگە قاتىستى اكىمشىلىك ءىس قارالىپتى. اۋرۋ مالدىڭ ەتىن ساتقان ەر-ازاماتقا اقبتك-ءنىڭ 425-بابىنىڭ 2-بولىگى «حالىقتىڭ سانتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن بۇزۋ» دەرەگى بويىنشا ايىپ تاعىلعان. كاسىپكەر سوت زالىندا ءوز كىناسىن تولىقتاي مويىنداعان.
«تالاس اۋداندىق سوتىمەن اقبتك-ءنىڭ 425-بابى 2-بولىگى بويىنشا جەكە كاسىپكەر س-عا قاتىستى اكىمشىلىك ءىس قارالدى. سوتتا س. ءوز كىناسىن تولىعىمەن مويىندادى. سوت قاۋلىسىمەن كاسىپكەر س. اقبتك-ءنىڭ 425-بابى 2-بولىگى بويىنشا كىنالى دەپ تانىلىپ, وعان 1 ملن تەڭگەدەن اسا سومادا ايىپپۇل سالىندى», دەلىنگەن رەسمي حابارلامادا.
رەسمي دەرەك وتكەن جىلدىڭ ون ايىندا 37 دەرەك تىركەلگەنىن العا تارتسا, ونىڭ 19-ى جامبىل وبلىسىندا انىقتالىپتى.
ء«سىبىر جاراسى» كەسەلى جامبىلدىقتاردىڭ تالاي جىلدان بەرگى باس اۋرۋىنا اينالعانى بەلگىلى. وكىنىشكە قاراي, تىركەلگەن دەرەكتەر سانى ازايار ەمەس. ءمينيستردىڭ ءوزى قاۋىپتى كەسەلدىڭ جەكە شارۋاشىلىقتاردا تىركەلگەنىن, مالدىڭ ۆاكتسيناتسيالانباعانىن جايىپ سالعانى كۇنى كەشە عانا. كەرەك دەرەككە كوز جۇگىرتۋ ارقىلى اۋداندارداعى جەرگىلىكتى اتقارۋشى بيلىكتىڭ جەكە شارۋاشىلىقتارعا تولىققاندى باقىلاۋ ورناتا الماي وتىرعانىن اڭعارۋعا بولاتىن سەكىلدى. ولاي بولماعان جاعدايدا اۋرۋ مال سويىلىپ, ونىڭ ەتى ساتىلماس ەدى عوي.
جامبىل وبلىسى
