فوتو: اقوردا
وبلىس اكىمى 2023 جىلدىڭ قورىتىندىسى بويىنشا ءوڭىردىڭ نەگىزگى ماكروەكونوميكالىق ءوسىم كورسەتكىشتەرىندە وڭ ديناميكا بايقالاتىنىن باياندادى. اتاپ ايتقاندا, وڭدەۋ ونەركاسىبى 11 پايىز, قۇرىلىس سالاسى 7 پايىز, نەگىزگى كاپيتالعا سالىنعان ينۆەستيتسيا 8,5 پايىز, كولىك تاسىمالى 3 پايىز, تۇرعىن ءۇيدى پايدالانۋعا بەرۋ كولەمى 5 پايىز وسكەن.
قۇمار اقساقالوۆتىڭ مالىمەتىنشە, جالپى وڭىرلىك ونىمدەگى ونەركاسىپ سالاسىنىڭ ۇلەسى 30 پايىزدان استى. اسىرەسە, جەرگىلىكتى ماشينا جاساۋ كاسىپورنىندا شىعارىلاتىن اۆتوكولىك مودەلدەرىنىڭ قاتارى كوبەيىپ كەلەدى. «سارىارقااۆتوونەركاسىپ» جشس جىلىنا 30 مىڭ Chevrolet وnix اۆتوكولىگىن قۇراستىرۋ ءۇشىن قۇنى 23 ميلليارد تەڭگە بولاتىن ينۆەستيتسيالىق جوبانى جۇزەگە اسىرا باستادى. ناتيجەسىندە 400 جاڭا جۇمىس ورنى اشىلماق. سونداي-اق KIA ماشينا جاساۋ زاۋىتىنىڭ قۇرىلىسى باستالدى. كورەيالىق اۆتوكونتسەرنمەن بىرلەسكەن بۇل جوباعا 90 ميلليارد تەڭگە كولەمىندە ينۆەستيتسيا تارتىلعان. اتالعان جوبا اياسىندا جىلىنا 70 مىڭ كولىك شىعارىلادى جانە 1,5 مىڭ جاڭا جۇمىس ورنى اشىلادى دەپ جوسپارلانىپ وتىر. بۇعان قوسا, اۆتوكولىكتىڭ قوسالقى بولشەكتەرىن وندىرەتىن لوكاليزاتسيالىق ورتالىق سالۋ كوزدەلگەن. جوبا قۇنى – 13 ميلليارد تەڭگە.
سونىمەن قاتار پرەزيدەنتكە قوستاناي ءوڭىرىن سۋمەن قامتۋ, الەۋمەتتىك نىساندار سالۋ بارىسى جونىندە مالىمەت بەرىلدى. وبلىس اكىمىنىڭ ايتۋىنشا, وتكەن جىلى ەلدى مەكەندەردى سۋمەن قامتاماسىز ەتۋ ءۇشىن جالپى قۇنى 21 ميلليارد تەڭگە بولاتىن 69 جوبا قولعا الىنعان. بۇگىندە 37 جوبا تولىقتاي جۇزەگە اسىرىلدى. ناتيجەسىندە ايماق تۇرعىندارىن سۋمەن قامتۋ كورسەتكىشى 86,6 پايىزعا دەيىن جەتكەن جانە قازىرگى ۋاقىتتا 347 اۋىل تازا اۋىزسۋ تۇتىنىپ وتىر.
بۇگىندە وبلىستا جالپى سىيىمدىلىعى 1 980 وقۋشىعا ارنالعان ءۇش مەكتەپتىڭ قۇرىلىسى جۇرگىزىلىپ جاتىر. وبلىس ورتالىعىندا «IQostanay» وقۋشىلار سارايى اشىلدى. ورتالىقتا 1300 بالانىڭ جان-جاقتى دامۋىنا جاعداي جاسالعان. بۇعان قوسا, 2025 جىلعا دەيىن 7500 ورىندىق 9 زاماناۋي مەكتەپ سالۋ جوسپارلانعان. ونىڭ ىشىندە 8 ءبىلىم ورداسى «جايلى مەكتەپ» جوباسى اياسىندا پايدالانۋعا بەرىلەدى.
قۇمار اقساقالوۆ مەملەكەت باسشىسىنىڭ تاپسىرماسىنا سايكەس قازىرگى كەزدە اقتوبە وبلىسىنان قوستاناي قالاسىنا دەيىن ماگيسترالدى گاز قۇبىرىن تارتۋ ءۇشىن تەحنيكالىق-ەكونوميكالىق نەگىزدەمە ازىرلەنىپ جاتقانىن جەتكىزدى. بۇل جوبا قوستاناي ءوڭىرىنىڭ ەلدى مەكەندەرىن كوگىلدىر وتىنمەن قامتاماسىز ەتىپ قانا قويماي, ءىرى ينۆەستيتسيالىق جوبالاردىڭ ىسكە اسىرىلۋىنا قولايلى جاعداي جاسايدى. گازبەن قامتاماسىز ەتۋ كولەمىن ۇلعايتۋ بىرنەشە جوبانى جۇزەگە اسىرۋعا, سونىڭ ىشىندە ىستىق كۇيىندە بريكەتتەلگەن تەمىر شىعاراتىن جانە بولات بالقىتاتىن زاۋىتتار سالۋعا مۇمكىندىك بەرەدى. ء وز كەزەگىندە بۇل ءوڭىردىڭ ەكونوميكاسىن جانداندىرىپ, جاڭا جۇمىس ورىندارى اشىلادى.
كەزدەسۋ سوڭىندا مەملەكەت باسشىسى قاسىم-جومارت توقاەۆ وبلىس اكىمىنە جىلىتۋ ماۋسىمىن قالىپتى رەجيمدە وتكىزۋ, ءوڭىردى گازبەن قامتاماسىز ەتۋ جوباسىن ۋاقىتىلى جۇزەگە اسىرۋ ماسەلەلەرىن ۇكىمەتپەن بىرگە ايرىقشا باقىلاۋعا الۋدى, سونداي-اق كوكتەمگى ەگىس ناۋقانىنا ازىرلىكتى پىسىقتاۋدى تاپسىردى.
