رەسپۋبليكالىق ماڭىزى بار اۆتوجولداردى قىسقى جاعدايدا كۇتىپ-ۇستاۋ ءۇشىن ۇلكەن كۇش جۇمىلدىرىلادى. جالپى ۇزىندىعى 25 مىڭ شاقىرىمعا جۋىقتايتىن رەسپۋبليكالىق ماڭىزى بار اۆتوجولدار قاھارلى قىس ماۋسىمىنداعى كۇتىممەن تولىق قامتىلعان. ونىڭ 21 مىڭ شاقىرىمىن «قازاۆتوجول» ۇلتتىق وپەراتورى ءوز باقىلاۋىندا ۇستاپ وتىرسا, 4 مىڭ شاقىرىمىن مەردىگەرلىك ۇيىمدار اۋىسپالى قايتا جاڭارتۋ جانە كۇردەلى جوندەۋ نىساندارىندا ءتيىستى جۇمىستارىن كۇندەلىكتى اتقارىپ كەلەدى.
بيىلعى قىس ايلارىنا 515 وندىرىستىك بازا دايىندالعان ەكەن. ونىڭ 121-ءى – توتەنشە جاعدايلار تۋىنداعان كەزدە قاجەتتى جۇمىستاردى ۇيىمداستىرۋعا ارنالعان جىلىتۋ پۋنكتتەرى. بۇلارمەن بىرگە 182 گاراج بەن اۆتوتۇراق, سونداي-اق 91 ماتەريالدىق قويما تولىقتاي دايىندىققا كەلتىرىلگەن.
وندىرىستىك بازالاردا كوكتايعاققا قارسى ماتەريالداردىڭ قاجەتتى مولشەرى بار. ولار ايازدى ءارى بوراندى ماۋسىمعا جەتكىلىكتى. اتاپ ايتقاندا, كۇن سايىن كۇتىپ-ۇستاۋ جانە كوكتايعاققا قارسى پايدالانىلاتىن 94 مىڭ تەكشە مەتر قۇم, 26 مىڭ توننا تۇز, 33 مىڭ تەكشە مەتر سەبىندى, 25 مىڭ تەكشە مەتر قۇم-تۇز قوسپاسى جانە 800 توننا حيميالىق رەاگەنت پايدالانۋعا دايىن تۇر.
نەگىزى اۆتوجولداردى قىستا كۇتىپ-ۇستاۋ ءۇشىن 1 114 بىرلىك قار تازالاۋ تەحنيكاسى دايىن تۇر. مۇنىمەن بىرگە كۇتپەگەن قيىندىقتار تۋىپ, توتەنشە جاعداي ورىن السا, جالداۋ نەگىزىندە قوسىمشا 118 بىرلىك تەحنيكا تاعى دا قوسىمشا تارتىلادى.
جولدىڭ تەحنيكا پاركىن مەيلىنشە جاراقتاندىرۋ ءۇشىن «قازاۆتوجول» ۇلتتىق وپەراتورىمەن 379 بىرلىك جاڭا جول-پايدالانۋ تەحنيكاسى ساتىپ الىندى («ودق» اق كرەديتتەۋ ەسەبىنەن 245 بىرلىك, امورتيزاتسيالىق اۋدارىمدار ەسەبىنەن 109 بىرلىك جانە جول اقىسى ەسەبىنەن 25 بىرلىك), ونىڭ ىشىندە اعىمداعى قىسقى كەزەڭدە ىسكە قوسىلاتىن 346 قار تازالاۋ تەحنيكاسى بار.
قار باساتىن ۋچاسكەلەردىڭ جالپى ۇزىندىعى – 2,7 مىڭ شاقىرىم. قار ۇستاۋ ماقساتىندا ەڭ كوپ قار باساتىن ۋچاسكەلەردە 364 كيلومەترلىك ستاتسيونارلىق قورشاۋلار ورناتىلدى. سونىمەن قاتار قىسقى كۇتىم اياسىندا 4 328 دانا ۋاقىتشا جول بەلگىلەرى (تايعاق جول, ماكسيمالدى جىلدامدىقتى شەكتەۋ) جانە قاجەتتى تۇستارعا ۋاقىتشا قار ۇستايتىن قالقاندار تۇرعىزىلعان.
قىس ماۋسىمى باستالماي تۇرىپ وبلىستىق فيليالداردىڭ جاۋاپتى باسشىلارى مەن قىزمەتكەرلەرى («قازاۆتوجول» ۇك» اق جانە «قاجسەرۆيس» جشس) جانە قاجەتتى تەحنيكا سانى (شامامەن 500 بىرلىك) بەكىتىلگەنى بەلگىلى. ال ورىن العان جاعدايدى ۇنەمى مونيتورينگتەۋ جانە باعالاۋ ءۇشىن كولىك مينيسترلىگىنىڭ تاۋلىك بويعى احۋالدىق ورتالىعى جانە «قازاۆتوجول» ۇلتتىق وپەراتورىنىڭ 1 403 ديسپەتچەرلىك قىزمەتى جۇمىس ىستەپ تۇر.
شتاتتان تىس جاعدايلاردا جەدەل ارەكەت ەتۋ ءۇشىن, جول پايدالانۋشىلارىنىڭ قاتىسۋىمەن تانىمال مەسسەندجەرلەردە, تەلەگرام ارنالارىندا, Whatsapp توپتارى قۇرىلعان. كەز كەلگەن جاعدايدا قيىندىققا تاپ بولعان ءاربىر ازامات وسىناۋ ءتيىمدى قىزمەتتى پايدالانا الادى. ياعني 1403 جول قىزمەتىنە جۇگىنگەن كەزدە اۆتوكولىك قۇرالدارىنا ءتيىستى كومەك كورسەتۋ بويىنشا دەرەۋ شارالار قابىلدانادى.
سونداي-اق تجد جانە اكىمشىلىك پوليتسيا بولىمشەلەرىمەن ۇيلەسىمدى ءوزارا ءىس-قيمىل قامتاماسىز ەتىلدى جانە قوزعالىستى ۋاقىتشا شەكتەۋ قاعيدالارىنا جانە توتەنشە جاعدايلار كەزىندەگى ءوزارا ءىس-قيمىل الگوريتمىنە سايكەس قولايسىز اۋا رايى جاعدايلارىندا بىرلەسكەن شارالار («قازاۆتوجول» ۇك» اق, تجد, پد جانە «قاجسەرۆيس» جشس فيليالدارى) قابىلدانىپ جاتىر.
استانادا دا قىس مەزگىلى كوپتەگەن قيىندىق تۋىپ جاتاتىنى ءمالىم. ايتسە دە سالا ماماندارى توتەننەن تۋىنداعان قيىندىقتاردى دەر كەزىندە ەڭسەرىپ كەلەدى. بۇگىندە سالاعا نەگىزگى جاۋاپتى مەكەمە «استانا تازالىق» قاردى جيناۋ جانە شىعارۋ جۇمىستارىن تاۋلىك بويى جۇرگىزىپ جاتىر.
قىسقى ماۋسىمدا ءبىر اۋىسىمدا مامانداندىرىلعان تەحنيكانىڭ جالپى سانى 400 بىرلىكتەن اساتىن كورىنەدى. سونداي-اق قىسقى مەزگىلدە ەلوردا جولدارىندا 540-تان استام جۇرگىزۋشى مەن 390-نىڭ ۇستىندە جۇمىسشى جۇمىس اتقارىپ ءجۇر. ال قالىڭ قار جاۋعان كەزدە مەردىگەرلىك ۇيىمداردىڭ 250 بىرلىك دەيىن تەحنيكاسى قوسىمشا جۇمىسقا تارتىلادى.
سونداي-اق كوكتايعاقتىڭ الدىن الۋ ءۇشىن 10 5003 قۇم-تۇز قوسپاسى, 590 توننا كوكتايعاققا قارسى رەاگەنت, 3000 توننا تەحنيكالىق تۇز قولدانىلادى.
