فوتو: senate.parlam.kz
«2022 جىلى پارلامەنت ەل پرەزيدەنتى وكىلەتتىلىگىنىڭ جەتى جىلدىق مەرزىمىن بەلگىلەپ, ءبىر ادام ءبىر رەتتەن ارتىق رەسپۋبليكا پرەزيدەنتى بولىپ سايلانا المايتىندىعى تۋرالى وزگەرىستەردى كونستيتۋتسياعا ەنگىزگەن بولاتىن.
مەملەكەت باسشىسى «Egemen Qazaqstan» گازەتىنە بەرگەن سۇحباتىندا ساياسي رەفورمالاردىڭ ماڭىزدى جاڭاشىلدىعىنىڭ ءبىرى رەتىندە پرەزيدەنت لاۋازىمىنا ءبىر-اق رەت مەرزىمگە سايلانۋ مۇمكىندىگى جونىندە ناقتى ايقىنداپ ايتىپ بەردى. ەل پرەزيدەنتى ايتقانداي, بۇل نورما ەندى وزگەرتىلمەيدى جانە اتا زاڭىمىزدا مىزعىماستاي ەتىپ بەكىتىلگەن.
جەتى جىلدىق پرەزيدەنت وكىلەتتىلىگىن ءبىر مەرزىمدى ەتۋ بۇعان دەيىنگى ساياسي رەفورمالاردىڭ جالعاسى, ءارى «سۋپەرپرەزيدەنتتىك بيلىكتەن» باس تارتۋ بولىپ تابىلادى. اتالعان وزگەرىستەر سايلانعان كانديداتتىڭ ءوز سايلاۋالدى باعدارلاماسىن جۇزەگە اسىرۋىنا جانە حالىق الدىنداعى بەرگەن ۋادەلەرىنىڭ ءتيىمدى ءارى ۋاقىتىلى ورىنداۋىنا سەپتىگىن تيگىزەتىن بولادى. سەبەبى پرەزيدەنت بولىپ سايلانۋعا ەكىنشى مۇمكىندىك بولمايدى.
الەمدە مەملەكەت پرەزيدەنتىن جەتى جىلعا جانە ەكىنشى مەرزىمگە سايلايتىن مەملەكەتتەر كوپ ەمەس. كەيبىر ەلدەردە دە ءبىر رەتتىك 7 جىلدىق پرەزيدەنتتىك مەرزىمدى ەنگىزۋ مۇمكىندىگى تالقىلانۋدا.
ەل پرەزيدەنتى 2022 جىلعى 1 قىركۇيەكتەگى قازاقستان حالقىنا جولداۋىندا اتالمىش باستامانىڭ نەگىزدەرى بولىپ, ء«بىر جاعىنان, 7 جىل – كەز-كەلگەن اۋقىمدى باعدارلامانى جۇزەگە اسىرۋ ءۇشىن جەتكىلىكتى كەزەڭ. ەكىنشى جاعىنان, پرەزيدەنت مانداتىن ءبىر مەرزىممەن شەكتەۋ مەملەكەت باسشىسىنىڭ جالپىۇلتتىق دامۋدىڭ ستراتەگيالىق مىندەتتەرىن شەشۋگە بارىنشا جۇمىلۋىن قامتاماسىز ەتەدى», دەپ اتاپ وتكەن بولاتىن.
ناتيجەسىندە مۇنداي رەفورما ەلدەگى دەموكراتيالىق قايتا قۇرۋدى كۇشەيتىپ قانا قويماي, ساياسي باسەكەلەستىكتى دامىتۋعا جانە باسەكەگە قابىلەتتى دەموكراتيالىق ساياسي جۇيەنى قالىپتاستىرۋعا قادام جاساۋعا مۇمكىندىك بەرەدى دەپ ەسەپتەيمىن», دەپ جازدى سەناتور.
