ساۋالناما قورىتىندىسى بويىنشا, حالىقتىڭ ەڭ كوپ داۋىسىن جيناعان «اق جول» پارتياسىنىڭ دەپۋتاتى قازىبەك يسا «جىلدىڭ ۇزدىك دەپۋتاتى» اتاعىنا لايىق دەپ تانىلدى. قازىبەك جارىلقاسىن ۇلى ءماجىلىس مىنبەرىنەن ۇلتتىق قۇندىلىق, ەل, جەر جانە مەملەكەتتىك ءتىل ماسەلەسىنە قاتىستى وتكىر دە وزەكتى تاقىرىپتاردى قوزعاپ كەلەدى. مىسالى, بيىلدىڭ وزىندە دەپۋتاتتىڭ كوتەرگەن اۋىز سۋ, ءدىني راديكاليزمگە قاتىستى ساۋالى كوپتىڭ كوكەيىندەگىسىن ءدوپ باستى.
ساۋالناماعا بەلسەندى قاتىسىپ, داۋىس بەرگەن سايلاۋشىلارىنا العىسىن بىلدىرگەن دەپۋتات: «بۇل جەردە ماسەلە بايگە, اتاق, جۇلدە الۋدا ەمەس. حالىق ءوزى تاڭداعان قالاۋلى دەپۋتاتىنا ەشقانداي بۇرمالاۋسىز داۋىس بەرۋىندە بولىپ تۇر. سوندىقتان ەلىمىز بويىنشا جاپپاي داۋىس بەرۋگە ۋاقىتتارىن قيىپ, قالاۋلى تۇلعاسىن جەڭىمپازعا اينالدىرۋدا ەڭبەك سىڭىرگەن سىزدەردىڭ ارقايسىڭىزعا دا ايتار العىسىم شەكسىز.
ادىلەتتىلىك ءۇشىن تىزە قوسىلعان جەردە جەتىستىك, بىرلىك بار جەردە – تىرلىك, ىنتىماق ءتۇبى – ىرىس بولاتىنىن كورسەتكەن حالىققا, ارقايسىڭىزعا قۇرمەتىم زور», دەپ اقجارما تىلەگىن ءبىلدىردى.
ساۋالناما ناتيجەسى بويىنشا 2-ورىندى «Amanat» پارتياسىنىڭ دەپۋتاتى رينات زايىتوۆ يەلەنسە, 3-ورىننان «Respublica» پارتياسىنان رۋسلان بەردەنوۆ كورىندى.
