بەرىك ءۋالي «پرەزيدەنت باق وكىلدەرىنە سيرەك سۇحبات بەرەدى» دەگەن پىكىرمەن كەلىسپەيتىنىن ايتىپ, ەل باسشىسىنىڭ جۇمىس كەستەسىنىڭ تىعىزدىعىنا توقتالدى.
بۇل رەتتە بەرىك ءۋالي اتاپ وتكەندەي, قاسىم-جومارت توقاەۆ بيىل شەت مەملەكەت باسشىلارىمەن كەلىسسوزدەر قورىتىندىسى بويىنشا باق وكىلدەرى ءۇشىن 8 بريفينگ وتكىزدى. قازاقستان پرەزيدەنتى جىل باسىنان بەرى شەتەلدىك جانە وتاندىق باق-قا 4 سۇحبات بەردى, ونىڭ ىشىندە سوڭعى ەكى ايدا «يزۆەستيا» باسىلىمى مەن Euronews تەلەارناسىنا دا 3 ماقالا جاريالادى.
«وسى مۇمكىندىكتى پايدالانا وتىرىپ, كەلەسى جىلدىڭ قاڭتار ايىنىڭ باسىندا قازاقستان پرەزيدەنتى رەسپۋبليكالىق باسىلىمداردىڭ بىرىنە ەلىمىزدىڭ ىشكى جانە سىرتقى ساياساتىن ەگجەي-تەگجەيلى باياندايتىن كولەمدى سۇحبات بەرۋدى جوسپارلاپ وتىرعانىن اتاپ وتكىم كەلەدى», دەدى ول.
