فوتو: استانا قالاسىنىڭ اكىمدىگى
31 جەلتوقسان كۇنى ساعات 21:00-دەن 02:00-گە دەيىن ەلوردامىزدىڭ قالالىق الاڭىندا, «قازاق ەلى» مونۋمەنتى مەن ەكسپو الاڭىندا قازاقستاندىق ەسترادا جۇلدىزدارىنىڭ قاتىسۋىمەن قالا تۇرعىندارى مەن قوناقتارى ءۇشىن «جاڭا جىل ءتۇنى» اتتى جاڭا جىلدىق مەرەكەلىك كونتسەرتتەر وتەدى.
ءىس-شاراعا وتاندىق ەسترادا جۇلدىزدارى Qanay, ءالي وقاپوۆ, Ayree, مارجان اراپباەۆا, يلحان يحسان, كەنجەبەك ءجانابىلوۆ, ديانا يسمايل, اۋكا, ەركەش حاسەن, سەرىك يبراگيموۆ, الىشەر كارىموۆ, «كيليماندجارو» توبى, الماس كىشكەنباەۆ, بەيبىت قورعان جانە باسقا دا ارتىستەر قاتىسادى.
ساعات 23:45-تە ەكسپو الاڭىنان «Jibek Joly» تەلەارناسى تىكەلەي ەفيرگە شىعادى. تىكەلەي ەفيردە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جاڭا جىلدىق قۇتتىقتاۋى كورسەتىلەدى جانە مەرەكەلىك باعدارلاما بولادى.
سونىمەن قاتار 31 جەلتوقساندا استانادا جۇگىرۋدەن جاپپاي جارىس وتەدى. قاتىسۋشىلار 2024 مەتر قاشىقتىقتى ەڭسەرۋدى جوسپارلاپ وتىر. باستالۋى ساعات 21.00-دە. جارىسقا قاتىسۋعا ستارت پاكەتتەرى 31 جەلتوقسان ساعات 20.30-دان باستاپ بەرىلەدى.
