ءبىرىنشى وقىلىمدا دەپۋتاتتارعا بيۋدجەت كودەكسىنىڭ جوباسىن قاراۋ ۇسىنىلادى. سونداي-اق بيۋدجەت زاڭناماسىن جەتىلدىرۋ جانە «كونتسەسسيالار تۋرالى» زاڭنىڭ كۇشى جويىلدى دەپ تانۋ تۋرالى تۇزەتۋلەر قارالادى. زاڭ جوبالارى مەملەكەت باسشىسىنىڭ 2022 جىلعى 1 قىركۇيەكتەگى جولداۋىن ىسكە اسىرۋ ماقساتىمەن ازىرلەندى. ولار نەعۇرلىم ءتيىمدى جانە اشىق بيۋدجەت جۇيەسىن قۇرۋعا, بيۋدجەت پروتسەسىنە قاتىسۋشىلاردىڭ وكىلەتتىكتەرى مەن مىندەتتەرىن ناقتىلاۋعا جانە ايقىنداۋعا, بيۋدجەت راسىمدەرىن رەتكە كەلتىرۋگە باعىتتالعان.
پارلامەنت دەپۋتاتتارىنىڭ باستاماسىن ازىرلەنگەن جايىلىمداردى پايدالانۋ تۋرالى زاڭ جوباسى ەكىنشى وقىلىمدا تالقىلانادى.
سونىمەن قاتار جالپى وتىرىستىڭ كۇن تارتىبىندە ەاەو تۋرالى شارتقا ەلەكتروندىق نىساندا قىزمەتتەر كورسەتۋ كەزىندە جاناما سالىقتار الۋ ءتارتىبىن ايقىنداۋ تۋرالى حاتتامانى راتيفيكاتسيالاۋ تۋرالى زاڭ جوباسى بار.
دەپۋتاتتار سونداي-اق كاسىپوداقتار تۋرالى جاڭا زاڭ جوباسىن, قحر, تمد جانە ەاەو اياسىندا بىرقاتار حالىقارالىق شارتتى راتيفيكاتسيالاۋ تۋرالى قۇجاتتاردى جۇمىسقا قابىلدايدى.
