فوتو: Turizm jane sport ministrligi
قىتايداعى ازيا ويىندارىندا قازاقستان قۇراماسى ستەندتىك اتۋدان – 2 التىن, 3 قولا, وق اتۋ بويىنشا – 1 التىن, 2 كۇمىس, 2 قولا مەدالداردى قاڭجىعالارىنا بايلادى. ازيادادا ز.يرنازاروۆا, كوماندالىق سكيت ميكستتە ءا.ورىنباي مەن ە.ەششەنكو جانە ايەلدەر اراسىنداعى كوماندالىق سكيتتە ز.كراۆچەنكو, ءا.ورىنباي, و.پانارينا توپ جاردى.
«وق اتۋ جانە ستەندتىك اتۋ – مەدالدار ەڭ كوپ ساراپقا سالىناتىن سپورت تۇرلەرىنىڭ ءبىرى. ۇلتتىق قۇرامانىڭ كەيىنگى جىلدارداعى ناتيجەلەرى ەلىمىزدە سپورتتىق اتۋدىڭ قارقىندى دامىپ كەلە جاتقانىن كورسەتەدى. مەرگەندەردىڭ ازيا ويىندارىنداعى جەتىستىكتەرى بارشامىزدى قۋانتتى. ءونىمدى جۇمىس ىستەلگەنى كورىنىپ تۇر. ەڭ باستىسى – سىزدەر بۇكىل ەلدىڭ ءۇمىتىن اقتادىڭىزدار. الداعى ۋاقىتتا ليتسەنزيالىق جارىستار مەن 2024 جىلعى جازعى وليمپيادا كۇتىپ تۇر. كوماندا كوشباسشىلارى ىرىكتەۋ سايىستارىنان ءساتتى ءوتىپ, تورتجىلدىقتىڭ باستى دوداسىندا لايىقتى ناتيجەلەر كورسەتەتىنىنە ۇمىتتەنەمىز», دەپ اتاپ ءوتتى ەرمەك مارجىقپاەۆ.
قازىرگى ۋاقىتتا سپورتتىق اتۋ بويىنشا قازاقستان قۇراماسى قورجىنىندا پاريج وليمپياداسىنىڭ 3 ليتسەنزياسى بار. 2024 جىلعا 4 ليتسەنزيالىق تۋرنير جوسپارلانعان: 2 ستەندتىك جانە 2 وق اتۋ بويىنشا, دەمەك, جولدامالار سانىن تاعى دا كوبەيتۋگە مۇمكىندىك بار.
كەزدەسۋ سوڭىندا مينيستر قۇرامانىڭ جاتتىقتىرۋشىلار شتابىنا جەكە العىسىن ءبىلدىرىپ, وق اتۋدان باس جاتتىقتىرۋشى ولگا دوۆگۋنعا مەملەكەت باسشىسىنىڭ اتىنان ەستەلىك سىيلىق تابىستادى.
