قاي كەزدە دە ەسىرتكى بيزنەسىنە قارسى كۇرەستىڭ تيىمدىلىگىن ارتتىرۋ ءىسى – وزەكتى. بۇل ماسەلەگە «اmanat Tech» مۇشەلەرى بىرقاتار ينتەللەكتۋالدى IT-شەشىمدەر, ونىڭ ىشىندە جەلىدەگى ەسىرتكىنىڭ تارالۋىن باقىلاۋعا ارنالعان ارنايى باعدارلامالار ۇسىندى. بۇل تەحنولوگيالىق قۇرالداردى ەسىرتكىنى ونلاين-كەڭىستىكتە ساتۋ تۋرالى حابارلاندىرۋلاردى جويۋ مەن قۇقىق قورعاۋ ورگاندارىنا ءتيىستى اقپاراتتى بەرۋ ءۇشىن پايدالانۋعا بولادى.
«الاڭدا قوعامداعى ەڭ وتكىر ماسەلەنىڭ ءبىرى ەسىرتكىگە قارسى كۇرەس ماسەلەسى تالقىلاندى. جوبالار ءتيىمدى جانە وڭتايلى شەشىم تۇرىندە ۇسىنىلاتىن بولادى. ءبىز جاستاردان ناشاقورلىقپەن كۇرەسۋدىڭ ءتۇرلى جولى تۋرالى بىلدىك. سەبەبى بۇل ماسەلە جاستاردى ۋلاپ جاتىر. «اmanat Tech» شەڭبەرىندە جوبانىڭ اۋقىمىن كەڭەيتۋ جانە قازاقستاننىڭ بارلىق ءوڭىرىن قامتۋ جوسپارلانىپ وتىر. ارينە, ءبىرىنشى كەزەكتە قاتىسۋشىلار تاراپىنان سۇرانىستى ەسكەرەتىن بولامىز», دەدى پارتيا حاتشىسى ەلدار جۇماعازيەۆ.
حاكاتوننىڭ جالپى جۇلدە قورى 4,4 ملن تەڭگەنى قۇرادى. ءبىرىنشى ورىنعا 1,4 ملن تەڭگە, ەكىنشى ورىنعا 1 ملن تەڭگە جانە ءۇشىنشى ورىنعا 800 مىڭ تەڭگە ءبولىندى. سونداي-اق ەكى اتالىم «Best market ready solution» جانە «The best scaling potential» بويىنشا 600 مىڭ تەڭگە سىياقى تابىستالدى.
«بۇل حاكاتون – يننوۆاتسيالىق تەحنولوگيا ارقىلى وزەكتى الەۋمەتتىك ماسەلەلەردى قالاي شەشۋگە بولاتىنىن كورسەتەتىن ناقتى مىسال. ءبىز جاسامپاز جاستاردىڭ ناشاقورلىققا قارسى ءتيىمدى كۇرەسكە باعىتتالعان شەشىمدەرگە يننوۆاتسيالىق يدەيالاردى قالاي ەنگىزەتىنىن كورگەنىمىزگە قۋانىشتىمىز. قاتىسۋشىلار تەك جوبالار قۇرىپ قانا قويماي, ءوز شابىتىن قوعامدى وزگەرتۋگە جۇمسايدى. بۇل جوبالار قاۋىپسىز جانە قامقور قوعام قۇرۋعا ەلەۋلى كومەك كورسەتە الاتىنىنا سەنىمدىمىز», دەدى «Astana Hub» باسقارۋشى ديرەكتورى دانيا احمەتوۆا.
«Futurista» كومانداسى ناشاقورلىقتان قۇتقاراتىن «TuzyZhol» قوسىمشاسىن جاساپ, حاكاتوننىڭ جەڭىمپازى اتاندى. قوسىمشا پسيحولوگتەر مەن الەۋمەتتىك قىزمەتكەرلەردىڭ كەڭەسىنە كەز كەلگەن ۋاقىتتا قول جەتكىزۋگە مۇمكىندىك بەرەدى. قالپىنا كەلتىرىلگەننەن كەيىن پايدالانۋشىلار پورتالمەن ينتەگراتسيا ارقىلى وقۋ كۋرستارىنان ءوتىپ, جۇمىس تابا الادى. ەكىنشى ورىندى ءدارى-دارمەكتەردى رەتسەپسىز ساتۋدى ازايتۋعا باعىتتالعان «PharmaTrace» جوباسىن ۇسىنعان «اntitox» كومانداسى يەلەندى. ءۇشىنشى ورىن «Sheker emes» جوباسىنىڭ اۆتورى, ەسىرتكى قىلمىسى تۋرالى ەسكەرتەتىن بوت-اسسيستەنتتەر جۇيەسىن ۇسىنعان «Shalkyma» كومانداسىنا بۇيىردى. ال «Best Scaling Potential» اتالىمىندا «Saqta» جوباسىمەن «IB sila» كومانداسى جەڭىسكە جەتتى. ولار ناشاقورلىقپەن كۇرەسۋ ءۇشىن ەسىرتكى سايتتارىن انىقتايتىن باعدارلامالىق قۇرال – بىلەزىكتەر ويلاپ تاپتى. ينتەرنەتتەگى ەسىرتكى ساتۋشىلارمەن كۇرەسۋدىڭ جاڭا ءادىسىن ۇسىنعان «ACK» كومانداسى «Qarauyl-Best Market Ready Solution» اتالىمىمەن ماراپاتتالدى.
ء«بىز ەسىرتكى ساتۋشى وپەراتورلاردىڭ ترافيگىنە توسقاۋىل قويۋ ارقىلى بۇعاتتايتىن باعدارلاما جاسادىق. Telegram اكىمشىلىگى بۇل ەسەپتىك جازبانى بۇعاتتاۋ تۋرالى ءوتىنىشتى قاراستىرىپ جاتقاندا, ءبىز ولاردىڭ جۇمىس ىستەۋىنە جول بەرمەيمىز, ويتكەنى ولار ۆيرتۋالدى كليەنتتەردى ناقتى كليەنتتەردەن اجىراتا الماي قالادى», دەپ ءتۇسىندىردى ءوز جوباسىن «ACK» كومانداسىنىڭ مۇشەسى ءۋاليحان ايعوجين.
