جىرتقىش اڭدار, ءتىپتى, تۇرعىن ءۇيدىڭ اۋلالارىنا كىرىپ كەتكەن. جەرگىلىكتى تۇرعىندار قاسقىرلاردى سۋرەتكە ءتۇسىرىپ العان. ولاردىڭ پىكىرىنشە, جىرتقىشتار ورماننان كەلگەن.
بۇگىن تاڭەرتەڭ جۇمىسقا بارا جاتقان 3 ادامعا قاسقار شاپقان. جارالانعان تۇرعىندار اۋداندىق اۋرۋحاناعا جۇگىنگەن.
«زارداپ شەككەن 3 ادام اۋداندىق اۋرۋحاناعا كەلدى. بارلىعى امبۋلاتوريالىق ەمدەلۋگە جىبەرىلدى, جارالاردى ەمدەپ, وڭدەگەن سوڭ, ەكپە سالىندى», دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.
ال, جەرگىلىكتى پوليتسيا باسقارماسى جىرتقىشتاردى قۇرىقتاۋمەن اينالىسىپ جاتقانىن جەتكىزدى.
«پوليتسەيلەر ۆەتەريناريا ورگاندارىمەن بىرلەسىپ جابايى جانۋاردى جويۋ بويىنشا شارالار قابىلداپ جاتىر», دەپ حابارلادى قاراعاندى وبلىسىنىڭ پوليتسيا دەپارتامەنتى.
