ونىڭ ايتۋىنشا, 14 جىل نيۋ-يورك قالاسىنىڭ تۇرعىنى بولعان. ەكى جىلدان بەرى لوس-اندجەلەس شاھارىندا تۇرادى. كاسىبىن كينەماتوگرافيامەن بايلانىستىرىپ ءجۇر. جاقىندا ول «Miss Asia USA» بايقاۋىندا باق سىنادى.
«بۇل بايقاۋ اقش-تا 35 جىلدان ءوتىپ كەلەدى. كينو ءتۇسىرۋدىڭ قىر-سىرىن زەرتتەپ ءجۇرمىن. تەاتردا جۇمىس ىستەيمىن. كينوفەستيۆالدىڭ بىرىندە مەنى اتالعان بايقاۋعا قاتىسۋعا شاقىردى. بيىل بايقاۋعا قاتىسۋ ءۇشىن شىعىننىڭ ءبارىن ءوزىم كوتەردىم. ۇستازىم اينۇر امانگەلدىقىزى مەن قۇربىم اسەل ابدراحمانوۆانىڭ زور قولداۋىن سەزىندىم», دەيدى اسەل كوپتىلەۋوۆا.
اقش-تاعى سۇلۋلار بايقاۋىنىڭ قازىلار القاسى اسەل كوپتىلەۋوۆانىڭ ساحنا مادەنيەتىن مەڭگەرگەنىنە, ونەرىنە ءتانتى بولعان. ۇمىتكەرلەردىڭ اراسىنان ونى «Miss Asia USA» اتالىمىنا لايىق دەپ تاپتى.
اتىراۋ وبلىسى
