تاريح عىلىمدارىنىڭ دوكتورى. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى. قازاقستان رەپۋبليكاسى ۇلتتىق عىلىم اكادەمياسىنىڭ اكادەميگى, قىرعىز رەسپۋبليكاسىنىڭ ۇلتتىق عىلىم اكادەمياسىنىڭ جانە موڭعوليا ۇلتتىق عىلىم اكادەمياسىنىڭ قۇرمەتتى اكادەميگى, ازەربايجان ۇلتتىق عىلىم اكادەمياسىنىڭ قۇرمەتتى دوكتورى, حالىقارالىق ش.ايتماتوۆ اكادەمياسىنىڭ تولىق مۇشەسى.
«اتىمدى ادام قويعان سوڭ...», «مۇستافا شوقاي», « ۇلى دالا تاريحى» جانە وزگە دە ەڭبەكتەردىڭ, 13 كىتاپتىڭ, 400-دەن اسا عىلىمي-تانىمدىق ماقالالاردىڭ اۆتورى.
«AMANAT» پارتياسى ساياسي كەڭەسى بيۋروسىنىڭ جانە ۇلتتىق قۇرىلتايدىڭ مۇشەسى.
ديپلوماتيالىق دارەجەسى: ءىى سىنىپتى توتەنشە جانە وكىلەتتى ۋاكىل.
2001-2005 جىلدارى – ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە اعا عىلىمي قىزمەتكەر, كافەدرا مەڭگەرۋشىسى, جەتەكشى عىلىمي قىزمەتكەر, اپپارات جەتەكشىسى.
2005-2006 جىلدارى – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە دوتسەنت.
2006-2007 جىلدارى – قازاقستان رەسپۋبليكاسى پرەزيدەنتتىك مادەنيەت ورتالىعى ديرەكتورىنىڭ ورىنباسارى.
2007-2008 جىلدارى – قازاقستان رەسپۋبليكاسى ءبىلىم جانە عىلىم مينيسترلىگىندە ءمينيستردىڭ كەڭەسشىسى.
2008-2009 جىلدارى – قازاقستان رەسپۋبليكاسى پرەزيدەنتى اكىمشىلىگىندە ساراپشى, سەكتور مەڭگەرۋشىسى.
2009-2012 جىلدارى – قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى.
2012 -2014 جىلدارى – تۇركى كەڭەسى باس حاتشىسىنىڭ ورىنباسارى.
2014-2022 جىلدارى – حالىقارالىق تۇركى اكادەمياسىنىڭ پرەزيدەنتى.
2016-2022 جىلدارى – «Egemen Qazaqstan» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى.
2022-2023 جىلدارى – قازاقستان رەسپۋبليكاسى اقپارات جانە قوعامدىق دامۋ ءمينيسترى.
2023 جىلدىڭ قىركۇيەك ايىندا سەگىزىنشى شاقىرىلىمداعى قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى.
قازاقستان رەسپۋبليكاسىنىڭ مەملەكەتتiك سىيلىعىن بەرۋ جونىندەگى جانە ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيالاردىڭ مۇشەسى. قازاقستان جازۋشىلار وداعىنىڭ باسقارما مۇشەسى. سىبايلاس جەمقورلىققا قارسى ءىس-قيمىل اگەنتتىگىنىڭ قوعامدىق كەڭەس توراعاسى بولعان.
مەملەكەتتىك «دارىن» جاستار سىيلىعىنىڭ جانە تۇركولوگيا سالاسىنداعى ۇزدىك جەتىستىكتەرى ءۇشىن بەرىلەتىن «كۇلتەگىن» سىيلىعىنىڭ يەگەرى. قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعىنىڭ لاۋرەاتى.
«پاراسات» وردەنى, قازاقستان رەسپۋبليكاسى پرەزيدەنتىنىڭ العىس حاتتارى, مەرەكەلىك مەدالدار, «تۇركى الەمىنە قىزمەت» سىيلىعى, تۇركيا رەسپۋبليكاسىنىڭ التىن مەدالى, حالىقارالىق «جىبەك جولى» ورتالىعىنىڭ «جىل ادامى» اتاعى, تمد پارلامەنتارالىق اسسامبلەيا كەڭەسىنىڭ ء«باسپاسوز جانە اقپاراتتى دامىتۋعا سىڭىرگەن ەڭبەگى ءۇشىن» بەلگىسى, ۆەنگريانىڭ «وفيتسەرلىك كرەست» وردەنى, ازەربايجاننىڭ «دوستلۋگ» وردەنى, موڭعوليانىڭ «التىن جۇلدىز» وردەنى, قىرعىز رەسپۋبليكاسىنىڭ «داڭق» مەدالى سياقتى ماراپاتتاردىڭ يەگەرى.
