فوتو: primeminister.kz
«وسىلايشا, 12 اپاتتى جاعدايداعى جانە ءۇش اۋىسىمدا وقىتاتىن 29 مەكتەپ بويىنشا ماسەلە شەشىلدى. 210 مەكتەپتە كۇردەلى جوندەۋ جۇمىستارى اياقتالدى. «جايلى مەكتەپ» ۇلتتىق جوباسى اياسىندا 461 مىڭ وقۋشىعا ارنالعان ەكى اۋىسىمدا وقىتاتىن 217 مەكتەپتىڭ قۇرىلىسى باستالدى. ءبىلىم بەرۋ ينفراقۇرىلىمىن قولداۋ قورى قۇرىلعان ساتتەن باستاپ ارنايى شوتقا 151,9 ملرد تەڭگە ءتۇستى. ناتيجەسىندە جالپى سوماسى 96,5 ملرد تەڭگەگە 76,7 مىڭ وقۋشىعا ارنالعان 62 مەكتەپتىڭ قۇرىلىسى قارجىلاندىرىلدى. بيىلعى 1 جەلتوقسانداعى جاعداي بويىنشا 28,6 مىڭ وقۋشىعا ارنالعان 17 مەكتەپ پايدالانۋعا بەرىلدى. 1 قىركۇيەكتەن باستاپ 1,6 ملن بالا تەگىن ىستىق تاماقپەن قامتىلدى. بيىلعى قاڭتار ايىندا مۇعالىمدەردىڭ جالاقىسى تاعى 25%-عا ءوستى. قىركۇيەك ايىنان باستاپ 98 مىڭعا جۋىق تاربيەشىنىڭ جالاقىسى 30%-عا ارتتى. 2023 جىلى جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا 88 مىڭنان استام گرانت ءبولىندى. 1 قىركۇيەكتەن باستاپ ستۋدەنتتەردىڭ شاكىرتاقىسى 20%-عا ءوسىپ, 41 898 تەڭگەگە (پەداگوگيكالىق عىلىمدار – 67 200 تەڭگەگە) جەتتى, ماگيسترانتتار مەن دوكتورانتتار شاكىرتاقىلارى 15%-عا ءوسىپ, تيىسىنشە 97 024 جانە 217 500 تەڭگەگە كوتەرىلدى. كوللەدج ستۋدەنتتەرىنىڭ ستيپەندياسى 50%-عا كوتەرىلدى. بيىل 5,9 مىڭ ورىنعا ارنالعان 25 ستۋدەنتتەر جاتاقحاناسى پايدالانۋعا بەرىلدى. جىل سوڭىنا دەيىن 5 مىڭ ورىندىق تاعى 19 جاتاقحانا اشۋ جوسپارلانىپ وتىر», دەلىنگەن اقپاراتتا.
ەلىمىزدە شەتەلدىك جەتەكشى جوعارى وقۋ ورىندارىنىڭ فيليالىن اشۋ ءىسى دە قارقىندى جۇرگىزىلىپ كەلەدى.
