ماڭعىستاۋ وبلىسىنىڭ اكىمى نۇرلان نوعاەۆ «قالامقاس-تەڭىز, حازار» جانە اۋەزوۆ كەن ورىندارىن يگەرۋگە جاۋاپتى «Kalamkas – Khazar Operating» كومپانياسىنىڭ باسشىلىق قۇرامىمەن كەزدەستى. كەزدەسۋگە كومپانيانىڭ باس ديرەكتورى قۇرمانعازى يسقازيەۆ جانە جوبانىڭ الەۋەتتى سەرىكتەستەرىنىڭ وكىلدەرى, «Kalamkas-Khazar Operating» جشس باس ديرەكتورىنىڭ ءبىرىنشى ورىنباسارى اندرەي رەشەتنەۆ, «KCOI» Rosetti Marino» جشس اتقارۋشى ديرەكتورى ميركو بورگەزي, Ilf/Doris جشس ساتۋ جانە ماركەتينگ جونىندەگى ۆيتسە-پرەزيدەنتى باردون فرانسۋا, GPS «Oiltec» جشس جانە «Global Process Systems» كونسورتسيۋمىنىڭ باسشىسى براۋنحيلل مارتين قاتىستى. سونداي-اق «مرتس» اق باس ديرەكتورى جانە اكتسيونەرى ۆلاديمير دۋرنين, «CNGS Engineering Ltd» اكتسيونەرى سەرگەي ۆاندەر, «Ersai» جشس باس ديرەكتورى پاك ارتۋر, «ILF Kazakhstan consulting engineers» جشس باس ديرەكتورى تالعات تەمىرجانوۆ, «قازمۇنايگاز» ۇك» اق ءىرى مۇناي-گاز جوبالارى دەپارتامەنتىنىڭ ءبولىم باستىعى الىبەك جايقانوۆ قاتىستى.
كاسپي تەڭىزىنىڭ قازاقستان سەكتورىندا ورنالاسقان «قالامقاس-تەڭىز, حازار جانە اۋەزوۆ» كەن ورنى ستراتەگيالىق ماڭىزعا يە. 1707,17 شارشى مەتر اۋماقتى الىپ جاتقان ءىرى قازبا ورنى. ونى پايدالانۋ قۇقىقتارىنا بايلانىستى 2023 جىلى قاڭتاردا ەنەرگەتيكا مينيسترلىگى مەن «قازمۇنايگاز ۇك» اق اراسىنداعى تىكەلەي كەلىسىم جۇرگىزىلدى. ءىس بارىسىندا 2023 جىلى اقپان ايىندا «Kalamkas – Khazar Operating» كومپانياسى قۇرىلىپ, ەنەرگەتيكا مينيسترلىگى مەن «قازمۇنايگاز ۇك» اق ءوزارا كەن ورنىندا 45 جىل مۇناي ءوندىرۋ تۋرالى كەلىسىمگە قول قويدى.
«Kalamkas-Khazar Operating» جشس باس ديرەكتورىنىڭ ءبىرىنشى ورىنباسارى ا.رەشەتنەۆ «قالامقاس-تەڭىز جانە حازار» كەن ورنىن الدىن الا بازالىق جوبالاۋ اياقتالعانىن, تەڭىز پلاتفورماسىنىڭ قۇرىلىسىن 2024 جىلدىڭ سوڭىندا باستاۋ جانە جوبا اياقتالعان سوڭ جىلىنا 4 ملن توننا مۇناي ءوندىرۋ جوسپارلانعانىن ايتتى.
– مۇنداي جوبا ماڭعىستاۋ وبلىسىندا العاش رەت جۇزەگە اسىرىلىپ جاتىر. ءبىز قۇرىلىس بارىسىندا ەكى مىڭ جۇمىس ورنىن قۇرۋدى كوزدەپ وتىرمىز, ال قۇرىلىس اياقتالعاننان كەيىن 300-گە دەيىن ادام تۇراقتى جۇمىسپەن قامتاماسىز ەتىلەدى. ءبىزدىڭ ماقساتىمىز – جوبانى 2028 جىلدىڭ ەكىنشى توقسانىنىڭ سوڭىندا نەمەسە 2029 جىلدىڭ ءبىرىنشى توقسانىنىڭ باسىندا اياقتاۋ. ءبىز سونداي-اق كەن ورنىندا جۇمىس ىستەيتىن جاس مامانداردى وقىتۋدى جوسپارلاپ وتىرمىز, – دەدى اندرەي رەشەتنەۆ.
بۇل كەن ورنىنداعى مۇناي رەسۋرستارىنىڭ جالپى قورى 81 ميلليون تونناعا باعالانادى. «قالامقاس-تەڭىز» جوباسى شەڭبەرىندە جاعالاۋدان 64 شاقىرىم قاشىقتىقتا مەتالل كونسترۋكتسيالاردان تەڭىز پلاتفورمالارىن قۇرۋ كوزدەلەدى. «قالامقاس-تەڭىز, حازار جانە اۋەزوۆ» كەن ورىندارىن يگەرۋ جونىندەگى جوبا شەڭبەرىندە 6 ميلليارد دوللار كولەمىندە تىكەلەي ينۆەستيتسيالار تارتۋ جوسپارلانۋ ۇستىندە. رەسەيلىك «لۋكويل» مۇناي كومپانياسى وسى جوبادا شەتەلدىك ستراتەگيالىق سەرىكتەس بولادى.
– مەملەكەت باسشىسى قاسىم-جومارت توقاەۆ جاقىندا ەل ەكونوميكاسىنا ينۆەستيتسيالار تارتۋ جونىندەگى جۇمىستىڭ تيىمدىلىگىن جاقسارتۋ شارالارى تۋرالى جارلىققا قول قويدى. بۇل وتاندىق جانە شەتەلدىك ينۆەستورلار جۇزەگە اسىراتىن ينۆەستيتسيالىق جوبالاردىڭ وسى ءوڭىردىڭ عانا ەمەس, بۇكىل ەلدىڭ ەكونوميكالىق الەۋەتىن ارتتىرۋداعى ماڭىزدىلىعىن كورسەتەدى. بۇل جوبا شەشۋشى ءرول اتقارادى, مەن وعان جاۋاپكەرشىلىكپەن قاراۋعا شاقىرامىن. بولاشاق قاتىناستاردى جاقسارتۋ ءۇشىن بارلىق قاجەتتى قادامداردى, سونىڭ ىشىندە ەكولوگيالىق زاڭنامانى ساقتاۋدى, تىعىز جۇمىس بايلانىستارىن دامىتۋدى جانە وندىرىستىك قاۋىپسىزدىككە جاۋاپتى بولۋ كەرەك ەكەنىن ايتقىم كەلەدى. ءبىز بىلىكتىلىگى جوعارى جەرگىلىكتى مامانداردى تارتۋعا, سونداي-اق قوسىمشا داعدىلاردى قاجەت ەتەتىندەردى دايارلاۋ مەن وقىتۋعا ۇمتىلامىز, – دەدى ايماق باسشىسى نۇرلان نوعاەۆ.
ماڭعىستاۋ وبلىسى
