ونىڭ ۇستىنە اۋا رايىنىڭ قۇبىلمالى كەزدەرىندە ەكى اراعا كولىكپەن قاتىناۋدىڭ دا كۇردەلى تۇستارى كوپ. اسىرەسە قىستىڭ كوزى قىراۋدا تايعاناق جولمەن ءجۇرۋدىڭ جول اپاتىنا ۇرىندىرۋ ىقتيمالدىلىعى دا جوعارى ەدى. ەندى اتالعان جاڭا باعىت ارقىلى جولاۋشىلار بۇل قيىندىقتان دا تۇپكىلىكتى قۇتىلاتىن بولدى.تاۋەلسىزدىك مەرەكەسى قارساڭىندا قوس قالا اراسىنا, ياعني ورالدان اقتاۋعا جولاۋشىلار پويىزى جۇرە باستادى.
– بۇعان دەيىن باتىس قازاقستان وبلىسىنا باراتىن ماڭعىستاۋلىق جولاۋشىلار اۋەلى اقتوبەگە جەتىپ, كەيىن «اقتوبە – ورال» پويىزىنا وتىراتىن. ەندى تىكە جۇرەدى, پويىزدار تازا, جىلى. ۆاگوندار قىتايدا قۇراستىرىلعان, بارلىق جاعدايى جاسالعان, – دەيدى «جولاۋشىلار تاسىمالى» ماڭعىستاۋ تەلىمىنىڭ باستىعى قاليوللا ساحيەۆ.
پويىز قۇرامى اسا ۇلكەن ەمەس, 8 ۆاگوننان تۇرادى. اقتاۋدان ورالعا ءاربىر ايدىڭ جۇپ كۇندەرىندە ءجۇرىپ, ەكى ارالىققا 35 ساعات 47 مينۋت جۇمسالادى. بيلەت قۇنى دا اسا قىمبات ەمەس, 8000 تەڭگەدەن باستالادى.
بۇل تاۋەلسىزدىك مەرەكەسىنە وراي جولاۋشىلارعا ۋاقىتتان ۇتىلماۋعا جانە جول قاۋىپسىزدىگىن ساقتاۋعا جاسالعان جاعىمدى جاڭالىق بولدى.
ماڭعىستاۋ وبلىسى
